Me u rritë ma shpejt
duhej me bâ ndonji akt burrnie
të kujtohet kur i bijshim ziles
së fqijve n’mahallë e disa ikshin
E bash ai qe i binte ziles
qindronte para dere si hu
cool demek nuk isha unë
me dëshmu
unë jam ky që po shkruej
po du me t’thanë unë jam ai
që ka me i ra gjithni asaj zilje
t’femijnisë
deri sa ti ki me u shfaq në derë
E ndrojtun me faqe t’skuquna
kemi me depërtu trupave
të tejdokshëm të njani tjetrit
n’fëmijni me u kthy e me u rritë
edhe ni herë në ni andërr
qi difton fluturimin
deri në folenë tâne
siç depërtojshim trupave
të njerëzëve të huej
fëmijë kur ishim e hile bajshim
se dojshim me mbrri të parët
në akëcilën ândërr!
ObserverKult
Lexo edhe:
