mësoja vajzës buzëqeshjen
para fjalës
dritën para mjesit
dhe lojën
në nji instrument muzikor
para historisë kombëtariste
para rangve t’sh’pisë
msoja harfën përshembull
me u doktë hyjneshë
mandolinën shpirtëbutë
me u doktë Nânë Terezë
ose saxin
me u doktë krejt crazy
me Hije e hire
me ju tutë burrat e ashpër
me u zbutë
msoje me i thânë zemrës po
para se me u dashunu
le ta bân për vete secilin
apo akëcilen me ia lmue ballin
si fresku n’verën përvluese
flokun kur stuhi të brendshme
perflakin
flokët e nji vajze
janë bajoneta
jetojnë sa eshnat
vrasin anmiqtë
Kur ajo ngre vetullen,
yjet pikojnë n’tokë si hini
Dhe nga tingulli i ashpër i xhazit
ka me bí trëndafili p’ej çeliku
vajzë.
ObserverKult
——————
Lexo edhe:
Halil Matoshi: T’zhdukun lufte
