Hopkins shkruan historinë, bëhet aktori më i vjetër që fiton çmim “Bafta”

Aktori i njohur, Anthony Hopkins, shkruan historinë. Në moshën 83-vjeçare, ai u bë aktori më i vjetër që fiton çmim BAFTA si aktori më i mirë protagonist, falë interpretimit në filmin “The Father”.

Por, aktori uellsian harroi të futej në Zoom për të dhënë fjalimin e falënderimit. Pasi ishte shumë i zënë duke pikturuar në dhomën e tij të hotelit.

Ishin familjarët e tij ata që e njoftuan se çfarë po ndodhte dhe e kujtuan që të lidhej me Zoom, transmeton ‘rtklive’.

“Nuk e dija që kisha fituar. Po pikturoja në dhomën e hotelit ku po qëndroj kur më telefonuan. Është diçka e mrekullueshme, nuk e prisja kurrë të më ndodhte diçka e tillë në këtë moshë”, tha Hopkins.

Filmi “Nomadland” ishte fituesi më i madh i çmimeve britanike BAFTA. Ai fitoi 4 çmime, përfshirë edhe atë të “Filmit më të mirë të vitit”.

Drama amerikane, me protagoniste aktoren Frances McDormand, mori edhe çmimin e aktores më të mirë, regjisorit më të mirë dhe kinematografisë më të mirë.

LEXO EDHE: U ndanë çmimet “BAFTA”, ja kush triumfojë