“Një filxhan kafe dhe këpucë të reja veshur”, filmi që përfaqëson Shqipërinë në “Oscar”
Dy vëllezër binjakë që nuk flasin dhe nuk dëgjojnë shfaqin dramën e tyre psikologjike ndërsa zbulojnë se do të humbasin edhe një tjetër shqisë.
Personazhet, Gëzimi dhe Agimi, vijnë përmes një hulumtimi intim ndërsa skenë pas skene, gjuha e shenjave dhe e vetë trupit- sjellë mjeshtërisht- nis të zbehet.
Filmi shqiptar “Një filxhan kafe dhe këpucë të reja veshur” i regjisorit Gentian Koçi, përqendrohet në një histori ndryshe, të sjellë ndryshe dhe tërësisht përfshirëse.
Në përballjen e ngadaltë të binjakëve me një botë që bëhet e errët, në një apartament modest, është edhe Ana, e dashura e Gëzimit.
Dy aktorët portugezë, Edgar dhe Rafael Morais, që interpretojnë Gëzimin dhe Agimin kanë mësuar gjuhën e shenjave në shqip, në film interpreton edhe aktorja Drita Kabashi. Përgatitja e rolit e ka çuar stafin në takime me personat me nevoja të veçanta, ndërsa dy vëllezërit, kanë kaluar ditë të tëra pa folur me askënd, për të përgatitur rolin.
Filmi përfaqëson Shqipërinë në “Oscar”, por regjisori shpreh pakënaqësi që nuk ka marrë buxhet për promovim në SHBA.
Pos gjuhës së shenjave që është krejt specifike, filmi komunikon me publikun e gjerë përmes mimikës, gjestikulacionit, gjuhës së trupit, dridhjes së duarve, trishtimit a përhumbjes së shikimit, përfshirë pleksjen e gishtërinjve dhe në fund titrat./BW
Lexo edhe:
AKTORJA QË FITOI KATËR “OSCAR” DHE NUK SHKOI KURRË PËR T’I MARRË ATA
Për shumicën e aktorëve, një ‘Oscar’ është një njohje e vërtetë e talentit të tyre në aktrim.
Sidoqoftë, kishte dhe ka aktorë të cilët në historinë e institucionit të Akademisë, jo vetëm që nuk ishin asnjëherë të interesuar nëse do të shpërbleheshin me të por ata u vlerësuan dhe nuk u shfaqën kurrë që ta merrnin atë. Sigurisht, kjo nuk do të thotë që ata nuk e pranojnë fare…
Tekstin e plotë e gjeni KËTU
ObserverKult
