Në emisionin “Rudina”, ka qenë i ftuar djali i Kadri Roshit, por njëkohësisht edhe aktor si vetë i ati, Kliti Roshi.
Kliti Roshi feston 100-vjetorin e lindjes së babait të tij dhe ai ka treguar jo vetëm aktivitetet që ka organizuar, por ka folur edhe për librin “Në jetët e të tjerëve”, i shkruar nga vetë ai, si një dedikim për aktorin e madh.
Gjatë programit, Roshi, teksa mbante lotët, kujtoi edhe një bisedë të babait me motrën, teksa i thoshte: “Iki i ngopur nga kjo jetë”.
-Çfarë kujton një shprehje të tijën, që e kishte të vetën, që ta jepte në formë këshille ndoshta, që ta ka dhënë më shpesh se të gjitha të tjerat?
Kliti Roshi: Ishte një këshillë në formë sharje. Në formë sharje, që ia ka thënë edhe më të rriturve se unë: “A m’çan kokën?”.
-Dhe kur e thoshte këtë, kur e përdorte këtë?
Kliti Roshi: Ndoshta, ndoshta, një orë para se të mbyllte sytë. Ndoshta, për herë të fundit. Dhe fjala e tij që (nuk mban lotët)… më falni. Fjala e tij që vërtet më ngopi, ishte biseda që bëri me motrën, por që u ndodha dhe unë pak më larg: “Iki i ngopur nga kjo jetë” (i tha Kadri Roshi të bijës).
Tani motra mendoi, iki i ngopur sepse ka menduar ndoshta të thotë ‘shyqyr jetova mirë, mora një pension të veçantë, një kështu, një ashtu dhe jetova mirë’, pra iku i ngopur nga kjo jetë.
“Jo”, tha, “nuk është ajo. Për të gjitha ato që kam bërë, i kam marrë të gjitha. Nderi dhe i pari aktor ‘Nderi i Kombit’. Të tjerët erdhën më mbrapa, megjithëse pa diskutim që e meritonin, por iki i ngopur nga kjo jetë”. A ka gjë më të bukur se sa një artist të ikë i ngopur nga kjo jetë?
-Absolutisht, absolutisht, por edhe për juve si familjarët e tij besoj? Është një lehtësim i madh.
Kliti Roshi: Jo lehtësim, ajo ishte një krenari për atë moment. Sepse ngopje nuk është vetëm kur merr një titull, merr një çmim, jo! Jo Rudina, jo! Edhe për juve nuk është kjo vlera juaj. Vlera juaj dhe e të gjithë artistëve të tjerë, është kur dilni përjashta dhe njerëzit ju përshëndesin. A ka kënaqësi më të madhe se kjo? / Klan
ObserverKult
Lexo edhe:
KUR U HAPËN SHKOLLAT E PARË SHQIPE NË SHKODËR?
Shkollat e para shqipe janë hapur në Shkodër e rrethinë rreth 400 vjet më parë dhe shkolla e lartë të paktën 134 vjet më parë. Shkodra ka pasur observatorin e parë astronomik në Ballkan.
Gjatë qindvjeçarëve Shkodra ka qenë një metropol i qytetërimit shqiptar e madje ballkanik.
Shkollat shqipe në viset veriore të Atdheut kanë gjalluar të paktën qysh prej katërqind vjetësh.
At Donat Kurti në një studim të botuar te Hylli i Dritës më 1935 flet për të parën shkollë shqipe në vitin 1638.
Si të parat shkolla “për sa dijm na” ai përmend “tri: shkolla e Pdhanës (lexo: Pllanës), e Blinishtit e e Shkodrës”.
Për të parën thotë se është hapur më 1638. Ndërsa studiuesi amerikan Edvin Zhak (Edëin Jacques) në librin e tij të njohur “Historia e popullit shqiptar nga lashtësia deri në ditët e sotme”. (The Albanians: An Ethnic History from Pre-Historic Times to the Present)…
Tekstin e plotë mund ta lexoni KËTU:
ObserverKult
