Shpirt,
A e di si përfundojnë puthjet e vjedhura
lotët mbetur në grykë
dhimbja e mbytur në gjoks
gishtat kryqëzuar
grushtat shtrënguar
për të goditur “malin që s ‘bëzan”
Shpirt,
A di të lexosh heshtjen
përshpëritjet në dritëhënë
kërkimfaljet që goja kurrë si dëgjoi
fjalët që kurrë s’u thanë
bebzat që tradhtuan
diellin perënduar në flakërim
Shpirt,
A e di ku përfundojnë dashuritë e vrara ?
Më mirë të mos e dish
Ti s’e ke kuptur kurrë ç’është dashuria!
