Vajza e Kadaresë i reagon Blushit për publikim të paautorizuar të bisedës me Kadarenë

Reagim pas publikimit të intervistës me Kadarenë

Publicisti Ben Blushi publikoi në faqen e tij në Facebook, një shkrim, në formën e një bashkëbisedimi me shkrimtarin e njohur Ismail Kadare. Kjo ka ndodhur pikërisht në një takim që ka pasur Blushi në ditën e ditëlindjes së Kadaresë, në një kafene.

Por, për publikimin e kësaj interviste, pa dijeninë e Kadaresë, ka reaguar pak më parë vajza e tij, Besiana Kadare. Kjo intervistë sipas Besianës, ka ndodhur pa marrë pëlqimin e babait të saj, pra bazuar në një bisedë të rëndomtë. Lidhur me këtë ka pasur edhe reagime nga familjarë e miqë të tij.

kadarenë

Postimi i plotë i Besiana Kadare:

Duke qenë se plot miq e të njohur më kanë pyetur këto ditë nëse Kadareja vërtet i ka dhënë një intervistë Ben Blushit, dua të sqaroj publikisht se Ben Blushi, në  fakt, ka krijuar një intervistë, pa dijeninë e tim ati, bazuar në një bisedë të rëndomtë private që ka zhvilluar rastësisht në një kafene me Kadarenë dhe shoqëruesën e tij, A. Bardhyli.

Kohë më pas, Ben Blushi e ka publikuar bisedën në formë  “interviste”, pa marrë pëlqimin e bashkëbiseduesit,  duke abuzuar kështu me besimin që iu akordua, dhe me  “kurajën” e çuditshme se po i zbulon publikut shqiptar sekrete të paditura. Një gjest ky sa imoral aq dhe i paligjshëm.

Fatkeqësisht është bërë praktike tashmë që gjithfarë njerëzish shpresojnë të bëjnë publicitet, duke u përpjekur të shfrytëzojnë në forma të ndryshme figurën e Kadaresë dhe kontaktin me të. Duke patur parasysh moshën e thyer të tim ati, çdo përpjekje e këtij lloji është vërtet mjerane./ObserverKult


ben blushi lako dren zotin
Ben Blushi

Lexo edhe:

BEN BLUSHI KA DISA FJALË PËR ATA QË E FYEJNË…

Nga Ben Blushi

Isha në shfaqjen e variantit të restauruar të filmit “Koncert në Vitin 1936” që u shfaq në Kinostudio. Ky film, të cilit iu kthyen ngjyrat me anë të një teknologjie të avancuar në Indi, është krijuar nga babai im Kiço Blushi duke ndjekur motivet e novelës “Nëpër Baltërat e Myzeqesë” të gjyshit tim Dhimitër Shuteriqi.

Tekstin e plotë mund ta lexoni KËTU:

ObserverKult