![Ismail Kadare mall Ismail Kadare laokoonti - pse shqiptarët ikin nga vendi i tyre](https://observerkult.com/wp-content/uploads/2022/01/640-0-61dc97790d1d6.jpg)
Botuesi i veprave të Ismail Kadaresë, Bujar Hudhri, ka rrëfyer për momentet e fundit të shkrimtarit. Ai tha se ishte njoftuar për gjendjen e tij, e kur i shkoi pranë e gjeti të shtrirë.
“Ishte moment dramatik kur më lajmëruan se duhej të vija se diçka kishte ndodhur. E pashë të shtrirë në korridor…e morëm, e hipëm në ambulancë, ishte në gjendje gati i ngrirë… Ishte një ambulancë e thjeshtë, pa një që mund t’i vijë në ndihmë të sëmurit dhe me zor çamë rrugën e Tiranës, ku ndonëse ulërinte sirena, njerëzit s’e hapnin rrugën”, ka deklaruar Hudhri.
Ai ka shtuar para gazetarëve se me të mbërrirë në spital, mjekët e morën në duar, por aty u vërejt se “diçka e keqe po ndodhte”.
“…Mund të shihje mobilizimin e mjekëve, çka tregonte se diçka jo e mirë po ndodhte, derisa heshti gjithçka”, ka theksuar botuesi i “Onufrit”.
ObserverKult
![](https://observerkult.com/wp-content/uploads/2024/07/bujarrr.png)
Lexo edhe:
ME TRËNDAFILA TË BARDHË DHE DUARTROKITJE, PËRCILLET PËR NË BANESËN E FUNDIT ISMAIL KADARE (FOTO)