Edicioni i gjashtë i “Mitrovica Guitar Days” pritet të filloj më 6 shtator deri më 11 shtator, në ambientet e Muzeut të Mitrovicës.
Rreth festivalit:
“Mitrovica GuItar Days” filloi në vitin 2018 si një iniciativë e vogël në kultivimin e muzikës në kitarë. Në fillim ishte degë e festivalit të njohur ESMA (European Summer Music Academy), i cili zhvillohej në Prishtinë, Gjakovë dhe Pejë. Ekipi KosovaArs kishte synim që kitara si degë e festivalit të vinte në Mitrovicë dhe kështu filloi punën e madhe në këtë drejtim.
Me përjashtim të vitit 2020 për shkak të pandemisë që mbërtheu mbarë botën, çdo vit në Mitrovicë organizohet dega e ESMA-s për kitarë.
Për arsye teknike, në vitin 2022 festivali ka ndryshuar emrin dhe tani quhet “Mitrovica GuItar Days”,
Ky festival përfshin klasa master, seminare dhe koncerte.
Çdo vit ky festival ka sjellë në vendin tonë emra të mëdhenj të muzikës kitarë të vendit dhe të botës. Vlen të përmenden: Aniello Desiderio, Hubert Kaeppel, Sanel Redžić, Danijel Cerović, Arben Begaj, Giannis Paleodimopoulos, Darko Bageski, Drilon Çoçaj, Florin Fanaj, Erhan Mujka e shumë të tjerë./express
ObserverKult
Lexo edhe:
“ZBATIMI I REFORMAVE, MITROVICA NË PUSHTETIN E ISA BOLETINIT”
