Charlotte Brontë ishte një romanciere angleze e njohur më së shumti për Jane Eyre (1847), historia e një guvernate të re të pavarur, që kapërcen vështirësitë duke i qëndruar besnike parimeve të saj. Ky roman përziente realizmin moral me elementet gotike.
Charlotte ndoqi shkollën e vajzave të klerit në Lancashire. Përvojat e saj atje, duke përfshirë disiplinën e ashpër dhe ushqimin e tmerrshëm, ndikuan në portretizimin e Institutit Lowood në Jane Eyre.
Në vjeshtën e vitit 1845, Charlotte hasi në disa poezi nga Emily. Ky zbulim çoi në botimin e një vëllimi të përbashkët të Poems nga Charlotte, Emily dhe Anne. Pseudonimet supozohej se ruanin fshehtësinë dhe shmangnin trajtimin e veçantë, që ato besonin se recensuesit u bënin grave.
Ajo filloi një libër tjetër, Emma, nga i cili kanë mbetur vetëm disa faqe, sepse shtatzënia e saj u shoqërua me sëmundje rraskapitëse dhe ajo vdiq në 1855.
Kombinimi i romancës dhe realizmit satirik të Charlotte, ishte stili i pothuajse të gjitha romanciereve gra për një shekull.
Në vazhdim po ua sjellim disa nga thëniet më të njohura që ajo la.
– Paragjykimet çrrënjosen më vështirë nga zemra që nuk është fertilizuar nga shkollimi.
– Sa i lehtë ia dalin disa të bëjnë që rruga të ngjajë e shkurtër, kur për të tjerët duket e pamundur.
– Më kot themi që njerëzit duhet të kënaqen me rehatinë, sepse ata kanë nevojë për veprim, e po s’e gjetën e krijojnë.
– Nuk ka punë të padenjë, nëse na përmirëson.
– Nuk duam t’i pëlqejmë botës, por të duhemi nga ata që duam, aq sa të ndihemi të vërtetë.
– Për ta ndërtuar miqësinë mbi themele të qëndrueshme, duhet t’i duam miqtë për dashurinë ndaj tyre, jo për dashurinë ndaj vetes sonë.
– Jeta është shumë e shkurtër për ta harxhuar në hatërmbetje dhe në urrejtje ndaj të tjerëve.
– Natyra e njeriut nuk mund të ndryshojë.
Përgatiti: V. K. /ObserverKult
—————————
Lexo edhe:
