Në fillim të vitit 2023, Jeremy Renner përjetoi një frikë të madhe, duke pësuar një aksident të rëndë kur u përplas nga një borëpastruese, duke e lënë atë në gjendje kritike dhe me 30 kocka të thyera.
Për fat të mirë, aktori i ‘Hawkeye’ tani është në shtëpi dhe në proces rikuperimi, i cili mund të zgjasë rreth dy vjet.
Autoritetet kanë nisur hetimet për këtë aksident të rëndë që kur ka ndodhur dhe tashmë kanë zbuluar disa detaje në një raport.
Gjetjet e tyre tregojnë se aktori i njohur është goditur nga borëpastruesi teksa përpiqej të shpëtonte nipin e tij.
CNN ka pasur akses në këtë raport që shpjegon se 52-vjeçari kalifornian po largonte borën nga ferma e tij në mënyrë që nipi i tij të dilte prej andej me kamionin e tij.
Renner ndaloi borëpastrimin kur vuri re se ajo filloi të “rrëshqiste anash” dhe “rrotullohej teposhtë”, por ai nuk e kishte vendosur frenin e parkimit.
Sherifi i Nevadës raportoi se:
Sapo doli nga kabina, ai kuptoi se borëpastruesi ishte drejtuar drejt nipit të tij. Ai kishte frikë se do ta përmbyste, kështu që vendosi të përpiqej ta ndalonte ose ta kthente.
Ai u përpoq me shumë, duke dashur të kthehej në kabinë, por “u tërhoq zvarrë nën rrotat e majta”. Borëpastruesi u rrokullis mbi të dhe vazhdoi rrugën.
Autoritetet shpjegojnë se “ndonëse borëpastruesi kishte disa probleme mekanike. Besohet, bazuar në inspektimin tonë, se freni i parkimit do ta kishte penguar atë të ecte përpara” dhe se “problemet mekanike mund të kenë qenë shkaktar i këtij aksidenti”.
Nipi po e ndihmonte Rennerin derisa mbërritën shërbimet e urgjencës për ta çuar me helikopter në spital./gazetashqip
ObserverKult
Lexo edhe:
“PO DIGJESHA I GJALLË”, AKTORI TREGON INCIDENTIN QË PËSOI GJATË XHIRIMEVE
Gerard Butler është një nga aktorët më të njohur në Hollywood kur bëhet fjalë për filmat aksion. Por, në filmin e tij të fundit, “Plane”. Aktori pësoi një incident spektakolar, që e ka rrëfyer në programin “Late Night with Seth Meyers”.
Gjatë xhirimeve, Butler gabimisht mbuloi fytyrën me një substancë që i shkaktoi një alergji të fortë në lëkurë. Një kruarje që çoi në një kruarje edhe më të theksuar.
Po kërkoja diçka që nuk shkonte me frenat e avionit dhe sa herë që nxirrja duart nga marshi. Ato ishin të mbuluara me gjak dhe një lëng jeshil që nuk e dija se çfarë ishte. Doli se ishte një variant sintetik i një lëngu hidraulik, që produksioni përdori për avionin që shfaqet në film.
Tekstin e plotë mund ta lexoni KËTU:
ObserverKult
