Shqiptarët kanë një opus të gjerë me fjalë të urta, që në mënyrë ironike, kryesisht, sjellin përvojën jetësore, mendime e gjykime për ngjarje, dukuri e çështje të ndryshme.
Në vazhdim mund të lexoni disa fjalë të urta shqiptare që ObserverKult ka zgjedhur për ju:
1.Atë që pështyn, mos e lëpij.
2.Rrugën për te miku, mos e lër të zërë bar.
3.Kush vjen rrallë, ha bakllavanë, kush vjen shpesh ha përsheshë.
4.Kopraci s’të jep të zezën e ullirit.
5.Kam qeshur të tjerë, më mbiu në derë.
6.Edhe pula jote në kopshtin e botës të duket e majmë.
7.Me nji tra nuk mban shtëpia.
8.Mos i jep shkopin harbutit, se të vret me shkopin tënd.
9.Më gënjeve një herë, haram e paç, më gënjeve të dytën hallall.
10.Nuk mbushet pusi me pështyma.
11.Çohet një i marrë e qet një gur në ujë, çohen njëzet të urtë e s’mund ta nxjerrin.
12.Buka që thyet s’ngjitet më.
13.Po fole shumë, sikur xhevahire të thuash, kakërdhi bëhen.
14.Kush ha shumë i del për hunde.
15.Kafshata e madhe të ngec në fyt.
16.Gjuha eshtra s’ka, eshtra thyen.
17.Dhjetë herë mat, një herë pre.
18.Puna e rinisë, jorgan i pleqërisë.
19.Edhe ujët po të rrijë në një vend qelbet.
20.S’mbahet shpirti me falimnders.
21.Qafa e unjur, koka e prerë.
22.Qëndro shtyllë e mos u bëj urë.
23.Kafshata e huaj të mbet në fyt.
24.Gjithkush teshat i lan në shtëpinë e vet
25.Mos pyet si vdiq, po pyet si rrojti.
ObserverKult
————————————
lexo edhe:
MONICA BELLUCCI: TË JESH REHAT ME VETEN NUK VARET NGA ÇFARË JU PËLQEN, POR SI NDIHENI…
