Artistja e njohur, Adriana Matoshi, është në gjendje stabile shëndetësore.
Këtë për KlanKosova.tv e konfirmoi një mike e saj, e cila tregoi se operacioni ka kaluar me sukses dhe se tashmë ka dalë nga kujdesi intensiv.
“Është mirë, në gjumë, nën efektin e terapisë pas ndërhyrjes. Po kujdesem për të gjatë gjithë kohës së bashku me familjarët e saj”, deklaroi mikja e saj që po i qëndron afër.
Kujtojmë se Matoshi, e cila është gjithashtu edhe deputete e Kuvendit të Kosovës, para pak ditësh njoftoi se i ishte rikthyer tumori në tru pas nëntë vjetësh.
———————————
LEXO EDHE: ADRIANA MATOSHI RRËFEN SE I ËSHTË KTHYER TUMORI, 9 VJET PASI E FITOI BETEJËN ME TË
Aktorja Adriana Matoshi ka ndarë një lajm të dhimbshëm në mediat sociale, duke rrëfyer se i është rithyer tumori në tru. 9 vjet më parë ajo u përball për herë të parë me sëmundjen e frikshme dhe arriti ta mposhtte, duke e kthyer gjithë dhimbjen në forcë dhe në shpresë për të gjithë.
Por sëmundja i është rikthyer dhe aktorja e ka ndarë lajmin me ndjekësit duke shkruar mes të tjerash:
“Tash 9 vite më vonë, duke mos pushuar kurrë sa duhet, më kapi lodhje prej angazhimeve të mia të shumta, stresi i akumuluar brenda, mbingarkesat, krejt këto më bënë të mendoj që e kam trepuar. Ia kam thyer limitet vetes. Po aty e kuptova që tumori në tru ishte rikthyer prapë.
Me misionin e njejtë prapë po më duhet të tregoj që koha është tepër e vlefshme edhe duhet të kaloj më shumë kohë me prindërit e mi, fëmijët e mi, të dashurin tem, me krejt shoqërinë, kolegët e njerëzit që dua pa kushte. Gjithçka po e dua më shumë.
Të mërkurën duhet prapë të përballem mes jetës edhe vdekjes, ama e di që rrugëtimi im ka për të vazhduar se është shumë i gjatë. Kam shumë qytete t’botës pa i pa, shumë skena të filmit pa shkelur, shumë role pa luajtur. Kam fëmijët që duhet t’i bëj të zotët e vetes…”
TEKSTIN E PLOTË MUND TA LEXONI KËTU
