Sidrit Bejleri ka publikuar së fundmi, këngën e tij më të re me titull “M’u ke ba”. I ftuar në “ABC e Mëngjesit”, ai ka treguar se këtë këngë e kishte shkruar tre vite më parë, por zgjodhi ta publikonte tani.
Sakaq, Sidriti ka ndarë detaje dhe nga klipi që ka një histori emocionuese.
“Ka qenë një ide e Enris Çilit dhe i thash në fillim që nuk dua notat e dramës, pasi kënga është e gëzueshme, jo më tha, nuk do të jetë ashtu.
Kjo këngë u zgjat shumë për arsye të ngarkesave të mia, sepse jam dhe shumë me pishmane për diçka që dua”, u shpreh ai.
Më tej, Bejleri ka folur dhe për muzikën në Shqipëri, duke theksuar se kanë ardhur kohë të zeza.
“Kanë ardhur kohë të zeza për muzikën e mirëfilltë, se punohet, po punohet pak. Kanë dal për zot disa që nuk e dinë ku i bie Akademia e Arteve, tani dhe vokalet po i bëjnë me kompjuter. Nuk dua të përmend emra. Të vjen turp, se ti ke shkri gjithë jetën për t’u marr me vokalin”, tha artisti.
Videon mund ta shikoni duke klikuar KËTU: /abcnews.al
ObserverKult
Lexo edhe:
SIDRIT BEJLERI & ALMA BEKTASHI: KUR PERËNDON DIELLI (TEKSTI DHE KËNGA)
Këngën “Kur perëndon dielli” e interpretojnë Sidrit Bejleri dhe Alma Bektashi
Mbeta gjithë ditën hijeve
se m’thanë në hije rri,
etjen e shova krojeve
krojeve ku pin ti.
E mira u raft-o hijeve,
qi ‘mujten me m’fresku;
i kjart asht uji i krojeve,
qi etjen ma kan shu.
Po t’jemi bashkë na të dy
do t’na shikjojnë me zili,
e do t’na flasin ndër sy,
sa duhemi unë e ti.
Sa her’ bjen dielli majave
e muzgut rrugë i l’shon;
sa kandshëm ju thrret deleve
kur stanit nis e i çon.
Tekstin e këngës dhe videon mund ta shikoni KËTU:
ObserverKult
