“Koka në Stamboll, trupi në Janinë”, a vallëzohet me këtë këngë!?

“Koka në Stamboll more,
trupi në Janinë…”

Se absolutisht nuk merremi me tekstet e këngëve tek hidhemi në valle ahengjeve, tregon pikërisht kënga për Ali Pashë Tepelenën.
Hit prej shumë kohësh, ajo flet për fundin e përgjakshëm të prijësit të madh shqiptar.
Trupi i masakruar na del para që në strofën e parë.
Por kjo nuk na ndalë që të vazhdojmë vallëzimin në kulm të disponuar.

Në vazhdim gjeni tekstin dhe këngën:

Koka në Stamboll more,
trupi në Janinë,
të shtrinë Ali Pasha more,
o Pasha të shtrinë.

Se një varr i vetëm more,
s’ta nxe dot lavdinë,
të shtrinë Ali Pasha more,
o Pasha të shtrinë.

Zbardhur mjekër gjatë more,
si bora në brinjë,
të shtrinë Ali Pasha more,
o Pasha të shtrinë.

Dhe që nga bedenat more,
ulërin stuhia,
si mjergull te koka more,
rri Vasiliqia.

Koka në Stamboll more,
trupi në Janinë,
të shtrinë Ali Pasha more,
o Pasha të shtrinë.

E ngjashme, është edhe kënga kushtuar Ganimete Tërbeshit (1927-1944) e cila si 17 vjeçare u var nga nazistët.

Teksti i këngës fillon kështu:

Heu asnji fjalë si shpetoi prej goje,
Nanë moj sa shumë duroi
Heu shkuma e bardhë i shpëtoi prej goje
shokët nan’ si tregoi…

Teksti që tregon momentet e fundit të jetës së Ganimetes, nuk ndikon në atmosferë.
As vargu i tmerrshëm se gjatë momentit të varjes fillon t’i dal shkumë nga goja, nuk ndikon. Përkundrazi ahengu ndizet me valle.

Përgatiti T.K/ ObserverKult

Lexo edhe:

Rrëfimet e atyre që ishin afër Ali Pashë Tepelenës në fundin e tij, si e prenë në besë…