Ksamili është një nga vendet më befasuese që kam vizituar në Ballkan, shtëpia e ushqimeve të shijshme të një deti shumëngjyrësh dhe ishujve të bukur.
Kështu shkruan për faqen e njohur turistike MagnificientWorld blogerja e njohur e udhëtimeve, Julia Berkuta.
”E kam vizituar Ksamilin në dy raste tani dhe e rekomandoj atë për këdo që udhëton në Shqipëri.
Në këtë udhëzues destinacioni, dua t’ju tregoj përvojat e mia në Ksamil.
Dua t’ju ofroj gjërat më të mira për të bërë gjatë vizitës suaj”, vazhdon ajo.
Dy udhëtime të mrekullueshme në Shqipëri
Hera e parë që vizitova Shqipërinë ishte në vitin 2018 dhe ishte një udhëtim spontan.
Ndërsa hera e dytë ishte në vitin 2020, me bashkëshortin, sepse dëshiroja t’i tregoja vendet që kisha parë.
Vizita ime e parë në Shqipëri, ishte për disa ditë për të zbuluar dy pika të bukura, ishin Ksamili dhe Dhërmiun.
Mandej, në vizitën e dytë, kisha më shumë kohë, me pesë ditë në Ksamil dhe tri ditë në Dhërmi.
Të dyja këto udhëtime ishin thjesht fantastike dhe nuk mund ta rekomandoj mjaftueshëm Ksamilin
Vizitoni plazhet e bukura të Ksamilit
Pra, Ksamili është një fshat mjaft i vogël dhe tërheqja kryesore është deti.
Kështu që gjëja e parë që mund të bëni është të vizitoni plazhet e shumta që ai ofron.
Plazhet e mia të preferuara ishin Stela, Bora Bora dhe Lori, por mund të merrni, gjithashtu, me qira një makinë .
Udhëtimi ju zbulon më shumë plazhe aty pranë, si Plazhin e Pulëbardhës, Plazhin e Krorezës dhe Shpellën e Pëllumbave
Shikoni perëndimin e diellit nga manastiri i shën Gjergjit
Ky manastir është një manastir antik ortodoks, që gjendet në gjysmë të rrugës midis Ksamilit dhe Sarandës.
Nëse merrni me qira një makinë, mund të shkoni në manastir dhe të shihni një perëndim të diellit madhështor
Vizitoni lagunën e kripur të liqenit të Butrintit
Liqeni i Butrintit është në anën tjetër të Ksamilit, një lagunë e bukur me ujë të kripur.
Është e rrethuar nga kodra të dendura të pyllëzuara, një bregdet shkëmbor dhe këneta me ujë të ëmbël
Zbuloni historinë e Parkut Kombëtar të Butrintit
Parku Kombëtar i Butrintit është një domosdoshmëri për t’u parë.
Park prej 9 400 hektarësh është shtëpia e liqeneve me ujëra të ëmbla.
Atje është shtëpia e peizazheve kodrinore dhe shumë thesareve të tjera natyrore.
Ka specie të panumërta bimësh dhe kafshësh për të zbuluar.
Ishujt e Ksamilit janë shpallur Vende të Trashëgimisë Botërore të UNESCO-s
Eksploroni shpellën magjepsëse të Kreshmoit
Udhëtimi nga Ksamili në shpellën e Kreshmoit zgjat më pak se një orë.
Ja vlen, sidomos për ata që e duan arkeologjinë.
Është një nga shpellat më të vjetra të banuara në Europë aty.
Arkeologët besojnë se është 20 000-vjeçare
Kaloni një ose dy ditë në Sarandë
Saranda është një qytet afër Ksamilit, ku mund të pushoni në plazhe.
Vlen të shikoni edhe perëndimin e diellit nga Kalaja e Lëkursit.
Tutje mund të vizitoni manastirin e 40 Shenjtorëve.
Ushqimin dhe pijet lokale në shumë kafene dhe restorante fantastike ja vlejnë të shijohen.
Mrekullohuni me ujërat e “Syrit të kaltër”
Syri i Kaltër është një burim natyror pranë fshatit Muzine.
Burim është i famshëm për ujërat e tij të pastër blu, nga merr edhe emrin .
Thellësia e burimit besohet të jetë më shumë se 50 metra.
Vend magjepsës për të vizituar pasdite, në udhëtimet tuaja nëpër Shqipërinë e Jugut
Vizitoni qytetin e UNESCO-s, Gjirokastrën
Gjirokastra është një qytet i UNESCO-s dhe ndodhet një orë e gjysmë larg Ksamilit.
Qyteti i Vjetër është i njohur për shtëpitë e tij prej guri dhe arkitekturën.
Destinacioni i tillë është, gjithashtu, shtëpia e një prej kështjellave më të pabesueshme në Shqipëri.
Në mënyrë mund të kaloni orë të tëra duke eksploruar dhe mësuar mbi historinë
Bëni një udhëtim të shkurtër me anije në Korfuz
Nga Saranda është e mundur të bëni një udhëtim me anije në ishullin e bukur të Korfuzit./ atsh
LEXO EDHE:
DHËRMIU, NË GJURMËT E HISTORISË DHE TË KUJTIMEVE TË TRISHTA TË PETRO MARKOS
DHËRMIU FSHATI TURISTIK I RILINDUR PAS VITESH TË TËRA HARRESE E RRËNIMI
