![](https://observerkult.com/wp-content/uploads/2022/04/rrraaa-696x464.jpeg)
Nëse e keni vizituar ndonjëherë Libohovën, pa diskutim e dini se ku është Rrapi i Libohovës, një pemë gjigande në zemër të qytetit, që krijon një kurorë të bukur duke i bërë hije të madhe një pjese të qytetit.
Rrapi rrethohet nga disa kroje që rrjedhin ujë të freskët e të pastër, të cilat burojnë nga mali Bureto. Kjo pemë është pjesë e historisë së qytetit dhe është shumë e vjetër, gati 560-vjeçare.
E pavarësisht moshës së vjetër të këtij rrapi, pas tij qëndron dhe një legjendë. Jeni kurioz ta mësoni?
Legjenda thotë se një bari gjeti një shkop afër burimit të malit dhe e nguli atë thellë në tokë. Për çudinë e tij shkopi u kthye menjëherë në një pemë të madhe me degë gjigande, ashtu siç është sot. Kjo ka ndodhur në shek e 16 dhe rrapi është ende plot, me gjithë degët e shtrira të tij. E habitshme është se pema nuk thahet kurrë. Degët e tij janë aq të harkuara bukur, sa duket sikur Zoti i ka krijuar me dorën e tij. Nëse jeni poshtë rrapit dhe ngrini sytë lart do mahniteni nga ajo bukuri e pafund.
Për vjetërsinë që ka, ky Rrap, është shpallur monument natyre e kategorisë së parë. Zë një hapësirë rreth 1100 metra katrorë. Njerëzit thonë se kurora e saj është aq e madhe sa mund të zërë brenda një vilë dhe të mos ia prekë degët./visit-gjirokastra.com
———————-
Lexo edhe:
LEGJENDA E RRALLË DHE TRADITA E DITËS SË VERËS
Sa herë që përmendim festën e Ditës së Verës, instiktivisht mendojmë për qytetin e Elbasanit. Elbasani është qyteti ku festa ndjehet dhe përjetohet më së shumti.
Zanafilla e lidhjes së festës me këtë qytet është faltorja e Zanës së Çermenikës, e cila gjendet në një ndër fshatrat e Elbasanit…
Tekstin e plotë e gjeni KËTU
ObserverKult