Lëri… s’dinë ç’është dashuria

Nga: Manos Eleftheriou

Lëri mike të na tallin,
me fjalët që kullojnë vrer.
Ata s’dinë ç’është dashuria,
s’dinë ç’do thotë flakë edhe tmerr,
lë të tallen, se gëzojnë,
pse nuk dinë se çfarë kërkojnë.

Lëri mike të na tallin,
shpirtin edhe trupin tonë.
Pse ne lojën që po luajnë,
aset janë tek mënga jonë,
kujtojnë pra se na mashtrojnë,
lë të tallen, se gëzojnë.

Lëri mike të na tallin,
janë të vegjël, janë fatalë,
që nga porta jonë kalojnë,
ditë për ditë, si ilegalë.
Lë të tallen, se gëzojnë,
diku duhet të qëndrojnë.

Shqipëroi: Arqile Garo