![pulla postare](https://observerkult.com/wp-content/uploads/2023/08/pulla-postare-696x696.jpg)
Posta e Kosovës lëshoi në qarkullim postar emisionin e ri të pullave postare “Personalitete – Violeta Rexhepagiqi”.
Kjo për nderim të gazetares dhe kantautores avangarde të rok skenës kosovare të viteve ’80-ta. Kështu ka njoftuar Posta e Kosovës përmes një njoftimi në rrjetet sociale.
Violeta Rexhepagiq u lind në Prishtinë, në shkurt të vitit 1965. Karrierën muzikore e filloi në fëmijëri, si interpretuese e rreth 40 këngëve për fëmijë. Ndërkaq, në vitet e ’80-ta solli një stil unik dhe avangardë në rok skenën kosovare.
Ajo përfaqësoi për dy herë Kosovën në përzgjedhjen e përfaqësueses së ish-Jugosllavisë për “Këngën e Eurovizionit”, njëherë me grupin “Vivien” dhe njëherë si soliste.
Përpos si interpretuese, Violeta ishte autore dhe gazetare e disa emisioneve në Televizionin e Prishtinës. Me mbylljen e TVP-së, Violeta angazhohet nga Skynews si raportuese nga zonat e luftës. Pas luftës në Kosovë, e vazhdoi veprimtarinë në lëminë e gazetarisë në RTK, deri më ndarjen e hershme nga jeta në vitin 2020.
Posta e Kosovës më tej njoftoi se përmes Filatelisë së saj edhe në të ardhmen do të nderojë personalitete të shquara, me të cilat do të afirmojë vendin tonë në gjithë botën.
![](https://observerkult.com/wp-content/uploads/2023/08/pulla-2-1024x577.jpg)
![](https://observerkult.com/wp-content/uploads/2023/08/pulla-3-1024x577.jpg)
ObserverKult
![](https://observerkult.com/wp-content/uploads/2021/04/violeta-1.jpg)
Lexo edhe:
NË NJË VJETORIN E VDEKJES, ALBAN NIMANI I KUSHTON KËNGË VIOLETA REXHEPAGIQIT
Kjo është kënga “Vjollcat” e këngëtares Violeta Rexhepagiqi, e ripërpunuar dhe kënduar nga Alban Nimani.
“Ky asht’ nji dedikim për një diamant që e ka pas’ Kosova, e cila vdiq para nji viti”, thekson artisti Nimani.
Ai bënë të ditur se kjo megjithatë është demo e realizuar në shtëpi, gjatë izolimit viti e kaluar.
Me këtë ripërpunim & video modeste të realizuar nga: Alban Nimani, Lum Çitaku, Armend Smajli, Tristan Halilaj, Dardan Ibrahimi, që shfaqet në një vjetorin e vdekjes së artistes, përkujtojmë dhe shprehim mirënjohje për kontributin e Violetës në skenën kulturore dhe alternative!”, thuhet në shënimin përcjellës të këngës në Youtube.
Tekstin e plotë mund ta lexoni KËTU:
ObserverKult