Mahnitëse: Sa shumë ngjason balerina me lulen (foto)

Lëvizjet e një balerine mund të ngjasojnë lulen dhe me fazat e lulëzimit të saj.

Kjo ngjashmëri vërehet në veprat e fotografes ruse, Yulia Artemyeva, imazhet e së cilës përjetësojnë në art format e përsosura që krijon natyra.

Yulia Artemyeva lindi në Gorky të Rusisë në vitin 1983. U diplomua në Ekonomi në vitin 2006, ndërsa në vitin 2010, u kualifikua në Fotografi Arti nga Akademia e Bashkëpunimit Ndërkombëtar në Moskë. Në vitin 2015, mori titullin Artist i Përsosmërisë së FIAP (EFIAP) nga Federata Ndërkombëtare e Artit Fotografik (FIAP, Francë).

Punimet e saj janë ekspozuar në të gjithë Evropën, Amerikën Veriore e Jugore dhe Azinë.

Ajo është një fituese dhe finaliste e garave dhe çmimeve të shumta ndërkombëtare të fotografisë, ndër të cilat janë ekspozita FIAP, IPA 2016, Portrete të vitit 2017, Qendra për Fotografinë e Arteve të Bukura.