Ardit Gjebrea: Makina e memories
Me tekst nga Giancarlo Milone, shqipëruar nga Jorgo Papingji dhe kënduar nga Ardit Gjebrea, “Makina e memories”, ende dëgjohet me po aq adhurim nga publiku.
Në vazhdim gjeni tekstin dhe këngën me videoklip:
Teksti:
Makina e memories vrapon në kujtime,
në çastet e jetës që endëm të dy,
dhe ditët rrëshqasin e syrit i fshihen,
dhe rendin e rendin, humbasin diku.
Makina e memories si era,
humbet nëpër mjegull, mbi të fluturoja,
me sy të përgjumur kërkoj nga dritarja,
diku të ndaloja.
T’i mblidhja kujtimet, aty t’i fiksoja,
mundohem, mundohem t’i gjej nëpër vite,
kujtimet kalojnë, po kujtimet kalojnë…
Dhe ti qeshje, ti këndoje,
psherëtije në heshtje dhe qaje,
me lotët që të ndrinin në sy.
Dhe më flisje, ëndërroje,
dhe tregoje, tregoje,
të vërteta, trillime,
që jetuam të dy.
Dhe kujtimet kalojnë…
Dhe kujtimet kalojnë…
Fragmente kujtimesh më dalin përpara,
në skena qiellore me diell a me shi,
çapitem i lodhur të ulem mes tyre,
ato më largohen, largohesh dhe ti.
Fragmente sensuale që era,
si gjethet e vjeshtës i shkundi nga pema,
piktura që koha ngjyrosi në mendje,
sikur t’i ndaloja…!
T’i mblidhja të gjitha
në krahë t’i mbuloja,
mundohem, mundohem t’i gjej nëpër vite,
kujtimet kalojnë,
po kujtimet kalojnë…
Dhe ti qeshje, ti këndoje,
psherëtije në heshtje dhe qaje,
me lotët që të ndrinin në sy.
Dhe më flisje, ëndërroje,
dhe tregoje, tregoje,
të vërteta, trillime
që jetuam të dy.
Më afroje, më largoje,
më humbisje dhe prapë më takoje,
më puthje në buzë si fëmijë.
Më thërrisje dhe më prisje
dhe kërkoje, kërkoje,
të vërteta a trillime,
t’i jetojmë përsëri.
Po kujtimet kalojnë,
kujtimet kalojnë…
Makin’ e memories vrapon në kujtime,
në çastet e jetës që endëm të dy,
dhe ditët rrëshqasin e syrit i fshihen,
dhe rendin e rendin, humbasin diku.
Dhe kujtimet kalojnë…
ObserverKult
————————-
Kliko edhe:
ARDIT GJEBREA & EDIT MIHALI: PERËNDESHË E BUKURISË MË JE… (TEKSTI DHE KËNGA)
