Mesazhi i Rokit për të birin: Duhet të triumfosh, pavarësisht se sa goditje merr nga jeta!

Ishte një moment në të cilin kinemaja veshi “dorezat e boksit”, atëherë kur në skenë hyri Rocky, ai që ndryshoi përgjithmonë historinë e Artit të Shtatë: Rocky.

Më 21 nëntor 1976, Rocky doli në sallat e kinemasë dhe pati një sukses planetar. Sylvester Stallone, skenarist dhe aktor protagonist, u bë yll botëror gjatë një nate.

Në total Rocky mblodhi 225 milionë dollarë dhe i dha jetë pesë serive: Rocky II, Rocky III, Rocky IV, Rocky V, Rocky Balboa dhe një film tjetër “I lindur për të luftuar”, i realizuar në 2015.

Por, në mendjen e shumë shikuesve ka mbetur patjetër edhe një pasazh nga filmi legjendar; mesazhi që Rocky Balboa i tha të birit në filmin “Rocky V – Moscow is now Pro-Rocky”.

Kur luajti me të atin në filmin “Rocky IV”, në skenar kishte edhe një pjesë që kishte lidhje me jetën e tij personale.

Në vijim, do të mund të lexoni mesazhin brilant që Silvester i dha djalit si personazh në filmin “Rocky V”, që në fakt duhet t’ia kishte dhënë edhe birit të tij në jetën e vërtetë, si edhe 10 kuriozitete për “Rokin” – Silvester Stalone…

“Nuk do ta besosh këtë gjë, por ti ishe sa pëllëmba ime dikur.

Unë të ngrija dhe i thoja mamasë tënde:

“Ky djalë do të bëhet djali më i mbarë në botë.

Ky djalë do të bëhet dikush, më i mirë se çdo person tjetër”.

Pastaj ti u rrite si një djalë i mbarë.

Ishte shumë bukur të të shihnim të rriteshe.

Çdo ditë ishte si një privilegj, derisa erdhi koha që ti u rrite dhe duhet t’ia dilje vetë mbanë në jetë, gjë që e bëre, por diku gjatë rrugës, ti ndryshove.

Ndalove së qenuri vetvetja.

Ti fillove të lejosh të tjerët të të drejtojnë gishtin e të të thonë se ti nuk je i mirë dhe kur gjërat u vështirësuan, ti ia hodhe fajin dikujt tjetër e jo vetes.

Dua të të them diçka që ti e di tashmë.

Bota nuk është një fushë e bukur me lule.

Është e mbushur me sfida dhe nuk do t’ia dija aspak se sa i fortë je.

Do të të godasë fuqishëm, do të të rrëzojë në gjunjë dhe do të të lërë në atë pozicion, derisa ti ta lejosh.

As unë, as ti, askush tjetër nuk mund të të godasë aq shumë sa jeta.

Nuk ka shumë rëndësi se sa fort i godet të tjerët, por se sa fort të godasin ty dhe ti sërish ecën përpara.

Kështu përcaktohet fitorja!

Ndaj, nëse e di se sa vlen, kërko gjërat që meriton në jetë.

Por ti duhet të përpiqesh gjithmonë të triumfosh, jo të drejtosh gishtin drejt të tjerëve dhe të thuash se nuk ia dole dot, për shkak të atij, apo asaj, apo kujtdo.

Frikacakët e bëjnë këtë gjë dhe ti nuk je frikacak.

Ti je më i mirë se aq.

Unë do të të dua gjithmonë, pavarësisht gjithçkaje që ndodh.

Ti je djali im dhe ke gjakun im.

Ti je gjëja më e mirë e jetës sime.

Por deri në momentin që ti të nisësh të besosh tek vetja, nuk ke për të pasur një jetë”