Kryebashkiaku i Korçës, Sotiraq Filo solli në vëmendje në rrjetet sociale se 27 shkurti është dita kur në Korçë u mbajt “Mitingu i shkronjave”.
“Nderim dhe mirënjohje për të gjithë patriotët korçarë dhe shqiptarë që manifestuan në mbrojtje të alfabetit shqip të vendosur në Kongresin e Manastirit”, shkruan Filo.
Mitingu i mbrojtjes së shkronjave shqipe që u mbajt në Korçë, në shkurt 1910, ishte më i madhi që u zhvillua në qytetet shqiptare për këtë çështje.
Mitingu u organizua nga klubi “Dituria” në mbrojtje të ABC-së shqipe, ku morën pjesë rreth 15000 veta nga qyteti e nga rrethi i Korçës, nga Devolli, nga Kolonja, nga Opari e nga Pogradeci. Në emër të popullit të mbledhur në këtë tubim iu dërguan telegrame proteste, kundër përdorimit të alfabetit arab, qeverisë turke dhe deputetëve shqiptarë të parlamentit, transmeton ‘konica.al’.
Më vonë, mitingje të tilla u mbajtën edhe në Berat, Tepelenë, Përmet dhe në Skrapar.
Duke vënë theksin në përmasat e kësaj lëvizjeje, konsulli francez në Shkodër i shkruante qeverisë së tij, në shkurt të vitit 1910, se tërë Shqipëria është ngritur kundër përpjekjeve të qeverisë turke. Kjo për t’i detyruar shqiptarët të përdorin alfabetin arab.
Po ashtu edhe për të mbrojtur alfabetin shqip të vendosur në Kongresin e Manastirit.
Mitingjet e zhvilluara nga klubet shqiptare në shkurt të vitit 1910, si nga shkalla e organizimit e rregulli që zotëroi në to, nga përmbajtja kombëtare e përparimtare e kërkesave të tyre, ashtu edhe nga përmasat që morën, ishin ngjarje të reja për Lëvizjen Kombëtare Shqiptare. Por edhe të rralla e të papara deri atëherë.
ObserverKult
Lexo edhe:
SHKRONJAT QË LEONARDO DA VINÇIT “I FSHEHU” NË SYTË E MONA LIZËS?
La Gioconda (Mona Liza) (realizuar rreth vitit 1503) nga Leonardo Da Vinci është një nga pikturat më enigmatike në historinë e artit. Ndërkohë kjo mbart me dhjetëra mistere të cilat studiuesit nga e gjithë bota janë përpjekur që t’i shpjegojnë.
Midis këtyre, disa pretendojnë një veçanti gjysmë të fshehur dhe të dukshme vetëm në një distancë shumë të afërt. Sytë e Mona Lizës duket se fshehin shkronjat, një L në syrin e djathtë dhe një S në syrin e majtë.
Tekstin e plotë mund ta lexoni KËTU:
ObserverKult
