T’u dedikohesh të tjerëve është e rëndësishme, veçanërisht për disa njerëz të cilët, duke vepruar kështu, ndjehen thellësisht të kënaqur, qoftë edhe pa marrë asgjë në këmbim.
Bujarët janë të tillë, dinë si të japin pa pyetur, por ka një kufi për gjithçka. Kur të dhënit shndërrohet në një barrë, dhe ju pushoni së qeni të lumtur vetëm për të kënaqur të tjerët, duhet të pyesni veten, nëse ia vlen të vazhdoni. Sepse rreziku është të bini në një gjendje apatie dhe trishtimi, të një lodhjeje ekzistenciale, e cila nuk është e mirë për askënd.
Është bukur t’u japim të tjerëve, por nuk duhet të na detyrojë të heqim dorë nga lumturia. Të gjithë kemi nevojë për kohë për veten tonë, për të kultivuar interesat tona, gjetur ritmin tonë, të përkëdhelemi, sepse nëse nuk jemi mirë, atëherë brendësia jonë varfërohet, dhe na pushton brishtësia.
Të besosh se të tjerët, herët a vonë, do të na vlerësojnë për ata që jemi, duke vazhduar të japim në mënyrë që të marrim atë pak njohje, nuk është zgjidhja më e mirë.
Ndonjëherë, thjesht nga papjekuria ose egoizmi, njeriu nuk e kupton se sa e çmuar është ndihma e një personi bujar, e merr si të mirëqenë, dhe në këto raste mund të ndodhë që dikush të përfitojë nga disponibiliteti ynë, duke e konsideruar atë si detyrë. Kjo është arsyeja pse duhet të bëni të qartë se bujaria ka një kufi, dhe ai kufi është i pakapërcyeshëm.
Por nëse shkelet, dhe kjo ndodh shpesh, është e mundur të rifitoni qetësinë e humbur, me hapa të vegjël, duke bërë disa zgjedhje që ndoshta nuk do u pëlqejnë të gjithëve, por që do ju ndihmojnë të jeni më mirë:
Mbajini larg njerëzit negativë, duke kaluar shumicën e kohës tuaj vetëm me ata që e tregojnë se me të vërtetë ju duan;
Bëni diçka të re çdo ditë, madje edhe një shëtitje të thjeshtë përgjatë një shtegu që nuk e kishit eksploruar kurrë, ose një udhëtim të vogël jashtë qytetit, ose një vizitë në një ekspozitë;
Kushtojini kohë vetes, duke rikuperuar hobi të harruara, duke bërë gjëra që doni, duke i dhënë vetes pushime relaksuese në Spa, ose thjesht në banjën tuaj;
Kërkoni ndihmë, edhe nëse jeni mësuar t’ia dilni vetë, sepse ndonjëherë, këshillat e një personi të besuar mund të bëjnë vërtet ndryshimin;
Duajeni njëri – tjetrin, trajtojeni me vëmendje dhe bujari. / (web)- meb.al
ObserverKult
Lexo edhe:
LUMTURIA, TREGIM NGA MAKSIM GORKI
Tregim nga Maksim Gorki
Një herë lumturinë e pata fare pranë, mend e preka me dorë.
E gjitha kjo ndodhi gjatë një shëtitjeje, një natë të nxehtë vere. Ne, një shoqëri e madhe të rinjsh, u mblodhëm në lëndinat përtej Vollgës, tek gjuetarët e blinit.
Hëngrëm supë që na e përgatitën peshkatarët, pimë vodkë e birrë përreth zjarrit, diskutuam si ta ndërtonim sa më shpejt e më mirë këtë botë, pastaj, si u lodhëm paq, u shpërndamë nëpër lëndinën e korrur, secili në qejf të vet.
U largova nga zjarri me një vajzë, e cila më dukej vërtet e mençur dhe e ndjeshme. Kishte sy të qeshur e paksa të zinj, në çdo fjalë që thoshte tregohej çiltërsia.
Kjo vajzë të gjithë njerëzit i shihte me përkëdheli.
Tekstin e plotë mund ta lexoni KËTU:
ObserverKult
