Kanë përfunduar punimet restauruese të fazës së parë në objektin e Hamamit të Gazi Mehmed Pashës i cili gjendet në qendër të qytetit të Prizrenit, shumë pranë Xhamisë së Kukli-Mehmed Beut dhe Xhamisë së Emin Pashës.
Ndërkaq shumë shpejt pritet të nisë faza e dytë e restaurimit, ka njoftuar Ministria e Kulturës, Rinisë dhe Sportit (MKRS) përmes një njoftimi në rrjetet sociale.
Objekti i Hamamit është ndërtuar në vitin 1563-74, nga Gazi Mehmet Pasha, Sanxhakbej i Shkodrës më 1573-1574. Në portën kryesore është vendosur pllaka me mbishkrim (1833) e cila tregon datën e restaurimit të hamamit nga ana e vëllezërve Tahir dhe Mehmed Pashë Rrotulli.
Hamami gjendet në kuadër të ansamblit arkitektonik të themeluar nga Gazi Mehmet Pasha, ku gjenden Xhamia e Bajraklisë, shkolla e mesme (medresa), shkolla fillore (mejtepi), biblioteka dhe mauzoleumi (tyrbja).
Ky objekt është aset i trashëgimisë kulturore i një rëndësie të veçantë pasi që për shekuj me radhë ka qenë pjesë e pandashme e jetës së qytetarëve të Prizrenit dhe është shndërruar në simbol shpirtëror dhe kulturor.
ObserverKult
Lexo edhe:
MKRS-JA VAZHDON ME INVESTIME, TANI NË KOMPLEKSIN E KULLAVE TË ISË BOLETINIT
Ministria e Kulturës, Rinisë dhe Sportit po e vazhdon punën me të njëjtin avaz për ruajtjen e monumenteve kulturore.
Tash së fundmi ka nisur punën për dy programe për kompleksin e Kullave të Isë Boletinit të Komunës së Zveçanit që po trajtohet me prioritet.
Përmes një njoftimi, MKRS-ja ka treguar në detaje se bëhet fjalë për kurimin profesional të ekspozitës së përhershme muzeore dhe funksionalizimin e tij përmes meaxhimit e aktiviteteve të rregullta.
Për krejt punën në këto programe, MKRS-ja parashihet të investojë afër 185 mijë euro.
Tekstin e plotë mund ta lexoni KËTU:
MIMOZA ÇOBO: KUR NJË GRUA TË DO…
Poezi nga Mimoza Çobo
Kur një grua të do, të lidh me fashë të zjarrtë,
avullon djersën e saj të ngjitesh reve lartë,
zbret ujvarë nga alpet mbi përroin e thatë,
spërkat me bulëza uji, zambakët e pritjes së gjatë.
Kur një grua të do, lumturia troket në derë,
dimri me flokë ngrice nga dritarja del,
se dashuria e një gruaje kthen dimrin në verë,
gonxhes së paçelur, me frymë i thotë, çel!
Kur gruaja loton, si reja në vjeshtën e parë,
ti mblidhi gjithë ndjenjat në tufë jargavan
shtratin martesor, bëje luadhin e ëndrrave të saj,
sa t’i japësh një puthje, ajo dashurohet prapë.
Poezinë e plotë mund ta lexoni KËTU:
ObserverKult
