Ka vdekur kompozitori i hiteve “Bat Out Of Hell” dhe “Total Eclipse Of The Heart”.
Jim Steinman, kompozitori shumëngjyrësh që qëndron pas hiteve si ‘Bat Out Of Hell’ dhe ‘Total Eclipse Of The Heart’, ka vdekur në moshën 73-vjeçare, shkruan BBC.
Vëllai i tij Bill i tha Associated Press se kompozitori dhe producenti ka vdekur nga dështimi i veshkave të hënën pasi ishte i sëmurë për disa kohë.
“Më ka marrë malli për të tashmë,” shtoi ai, transmeton ‘rtklive’.
Këngëtari Meat Loaf, me të cilin Steinman shënoi hitet e tij më të mëdha, i dha lamtumirë me fjalët: “Fluturo Jimmy Fluturo”.
Bonnie Tyler gjithashtu bëri homazhe, duke thënë se ajo ishte “absolutisht e shkatërruar” nga lajmet për vdekjen e shokut të saj.
I njohur për prodhimet e tij bombastike, operistike, Steinman arriti famën më të madhe më 1977 me albumin Meat Loaf Bat Out Of Hell.
Ai më vonë fitoi çmimin “Albumi i vitit” në Grammy për punën e tij në “Falling Into You” të Celine Dion dhe punoi në muzikalin e Andrew Lloyd Webber, Whistle Down The Wind, i cili u hap në West End më 1998.
