U nda nga jeta në moshën 93-vjeçare stilistja britanike Mary Quant, e cila konsiderohet si krijuesja e minifundit. Familja e saj tha në një deklaratë se ajo “u nda nga jeta në mënyrë paqësore në shtëpinë e saj në Surrey”.
Quant ishte një figurë qendrore e viteve ’60 dhe një nga stilistet më të njohura të modës të shekullit të 20-të.
Kështu njoftoi familja e saj në një deklaratë, duke shtuar se ajo ishte shumë inovative.
E lindur në Londër në vitin 1930, vajza e mësuesve të Uellsit, ndoqi Shkollën e Arteve të Bukura Goldsmiths nga viti 1950-1953, ndërsa mësoi rrobaqepësi në shkollën e natës.
Në vitin 1955 ajo punoi për disa muaj në një dyqan kapelesh në Londër.
Në fund të vitit, së bashku me bashkëshortin e saj të ardhshëm, Alexander Plunkett Green, ajo hapi butikun e saj të parë, ‘Bazaar’ në King’s Road në Chelsea, në Londrën Veriore.
Dyqani shpejt u bë një vend takimi për Beatles ose Rolling Stones, Brigitte Bardot, Audrey Hepburn.
Ajo krijoi minifundin dhe pantallonat e shkurtra
Mary Quant krijoi mini fustanet dhe fundet mini, në linja të thjeshta dhe ngjyra të ndezura. Por gratë i detyrohen edhe pantallonat e shkurtra, pantallonat e nxehta, bojë për vetulla të papërshkueshme nga uji.
“Rrobat e mia u bënë modë e adoleshentëve, në pop, në kafene ekspres, në klube xhaz,” shkroi ajo në autobiografinë e saj të parë, ‘Quant by Quant’, botuar në 1965.
Në vitin 1966 ajo prezantoi linjën e saj të kozmetikës dhe u nderua nga Mbretëresha Elizabeth me Urdhrin e Perandorisë Britanike duke u futur në Sallën e Famës së Modës.
Krijimet e saj shkuan përtej kufijve të ngushtë të Mbretërisë së Bashkuar dhe gjetën një reagim të madh në SHBA dhe Japoni.
Gjatë viteve 1970 dhe 1980, ajo u fokusua në produktet shtëpiake dhe produktet e bukurisë.
Ajo ishte e martuar me Alexander Plunkett Green dhe kishin një djalë. Burri i saj vdiq në vitin 1990 dhe ajo jetonte në shtëpinë e saj në Surrey.
Në dhjetor 2014, ajo u bë Damë, një titull nderi i kalorësisë për gratë. /Balkanweb
ObserverKult
Lexo edhe:
“FUSTANI I PATURPSHËM”, CHIARA FERRAGNI JEP MESAZHE PËRMES 4 VESHJEVE NË SANREMO
Blogerja e famshme italiane Chiara Ferragni u shfaq mbrëmë në Festivalin e Sanremos si kurrë më parë.
Mbrëmë u mbajt nata e parë e festivalit italian “Sanremo 2023”, që këtë vit shënon edicionin e 73-të. Si bashkëprezantuese, Chiara Ferragni ka goditur fort me mesazhet. Mesazhe këto që i dha përmes veshjeve.
4 fustane për çdo mesazh që ajo dëshiroi të përcillte, nisur nga përjetimet personale. Po ashtu gjykimeve që ka hasur për shkakun që është grua dhe nënë gjithashtu!
Tekstin e plotë mund ta lexoni KËTU:
ObserverKult
