Shkencëtarët kanë krijuar një inteligjencë artificiale që është në gjendje të mendojë dhe të mësojë si një fëmijë.
Zbulimi jo vetëm që mund të ndihmojë në avancimin e kërkimit të AI, por edhe mënyrat se si ne kuptojmë mendjen e njeriut, thonë shkencëtarët.
Mendjet e fëmijëve janë veçanërisht interesante për studiuesit e AI. Kjo pasi ata janë në gjendje të kuptojnë rregullat e përbashkëta, në një mënyrë që mbetet kryesisht misterioze.
Studiuesit kanë sugjeruar se kompjuterët mund të jenë të suksesshëm në imitimin e këtij sistemi. Mund të jetë më mirë që truri i një fëmije të simulohet e këtë formë. Sesa të përpiqen të kopjojnë funksionet e mendjes të të rriturve.
Një nga aftësitë e tyre është “fizika intuitive”.
Pra njohuritë që kemi për mënyrën se si ndërveprojnë gjërat që na vijnë në moshë të re. Njerëzit e dinë, se një top do të bie në dysheme nëse personi që e mban atë bie. Këtë e kuptojnë në një moshë shumë të re, por është ende e paqartë se si ta zgjidhim saktësisht.
Sistemet e inteligjencës artificiale kanë luftuar me koncepte të tilla.
Madje edhe kompjuterët e avancuar nuk janë në gjendje t’i kuptojnë ato rregulla, në të njëjtën mënyrë, sikurse një fëmijë tre muajsh. Por tani shkencëtarët kanë krijuar një sistem të ri, që ishte në gjendje të mësonte një sërë konceptesh të ndryshme fizike.
Sistemi i të mësuarit të thellë quhet PLATO. Ai u trajnua duke parë objektet që ndërveprojnë në mënyra të ndryshme: topa që bien në tokë, rrotullohen dhe kërcejnë nga njëri-tjetri.
Për ta testuar, më pas u shfaqën video që përmbanin skena të pamundura, në të cilat fizika nuk kishte kuptim. Hulumtuesit më pas zbuluan se sistemi shprehte llojin e vet të habisë, në të njëjtën mënyrë si bebet e vërteta. Ajo ishte në gjendje të mësonte një fizikë të tillë në vetëm 28 orë pas shikimit të videove.
Gjetjet raportohen në dy punime të reja, “Mësimi intuitiv i fizikës në një model të të mësuarit të thellë i frymëzuar nga psikologjia e zhvillimit” dhe “A mund të mendojë një kompjuter si një fëmijë?”, botuar në Nature Human Behaviour./Lapsi.al
ObserverKult
Lexo edhe:
