Kemi lexuar aq shumë thënie për dashurinë e prap na mbushet mendja se nuk dimë gjë për të. Dikush thotë se të dërgon në ferr e dikush në parajsë.
Disa mendojnë se ka dashuri të pastër. të vërtetë, të sinqertë e disa e mohojnë tërësisht.
E konsiderojnë si trillim, si shpikje e trurit, e mendjes sonë për ta mbytur vetminë.
ObserverKult ju sjell disa thënie që ju bëjnë të shetisni sa nga njëra anë në tjetrën të qasjes ndaj dashurisë:
Dashuria që nuk mund ta kemi është ajo që zgjat më së shumti, dhemb më së thelli, por ndihet më së forti./ Shekspiri
Të duash do të thotë ta vendosësh lumturinë tënd në lumturinë e dikujt tjetër. /G.W.von Leibnitz
Është e lehtë të biesh në dashuri. Pjesa e vështirë është gjetja e personit që do ta shkaktonte atë.”/ Bertrand Russell
Dashuria është një gjendje në të cilën njeriu i sheh gjërat ashtu siç ato nuk janë./ Friedrich Nietzsche
Sa më e madhe dashuria, aq më e madhe është tragjedia kur dashuria të përfundojë./ Nicholas Sparks
Dashuria mund të na dërgojë në ferr apo në parajsë, por gjithmonë ajo na çon diku./ Coelho
Miqësia përfundon shpesh në dashuri, por e kundërta nuk ndodh kurrë./ Charles Caleb Colton
Dashuria e vërtetë bazohet mbi respektin. /George Villiers
Dashuria nuk ekziston për të na lumturuar, por për të na treguar se sa e madhe është aftësia jonë për t’i bërë ballë dhimbjes./ Herman Hesse
Gjeje atë që e do dhe lëre të të vras./ Charles Bukowski
Dashuria e përhershme është xhevahir, i cili ka nevojë për kuti të artë. /Sandi
Kush është i urtë në dashuri, dashuron shumë, flet pak./ Alfred Lord Tennyson.
Përgatiti: U.V/ ObserverKult
Lexo edhe:
ËSHTË MË MIRË TË KESH DASHUR DHE TA KESH HUMBUR DASHURINË SE TË MOS KESH DASHUR KURRË ASKËND…
