Kosova do të mirëpresë edicionin e parë të Foton Film Festivalit në shtator, duke sjellë një koncept të veçantë dhe inovativ për adhuruesit e kinemasë.
Festivali, nën drejtimin e Dardan Kabashit, do të zhvillohet në ambient të hapur në Klinë. Një nga veçoritë më të spikatura është mundësia që shikuesit t’i ndjekin filmat nga makinat e tyre, duke krijuar një eksperiencë të pazakontë dhe të veçantë të kinemasë.
Programi ndërkombëtar i festivalit do të përfshijë pesë kategori garuese: Film i Metrazhit të Gjatë, Film i Shkurtër, Dokumentar, Film i Animuar dhe Film i Inteligjencës Artificiale.
Sipas organizatorëve qëllimi i festivalit është të bashkojë zhanre të ndryshme të kinemasë dhe t’u ofrojë regjisorëve të rinj e veprave të reja një platformë ndërkombëtare. Përmes shfaqjeve në ambient të hapur dhe konceptit të ndjekjes së filmave nga makina, Klinës i shtohet një ngjarje e re kulturore dhe artistike./rtk
ObserverKult
Lexo edhe:
Filmi i animuar shqiptar “Lufta për jetën” do të restaurohet, nisma mbështetet nga familja Topi
