Nexhmije Pagarusha: Baresha (teksti dhe kënga)

Ju ftojmë të dëgjoni këngën Baresha, teksti i së cilës është shkruajtur nga Rifat Kukaj, ndërsa muzika e komponuar nga Rexho Mulliqi.

Baresha-teksti

Hej, kam rrit shtatin
ndër këto male
bashkë me qingja e me dele
me bylbylat ndër zabele
mbas kumbonës, lojë e gzime
si shqiponja ime.

O era lun’ me barin
o eni shoqe t’lozim
o fusha gaz po m’veshet
o lulet bardhë po qeshin
o dridhet mali, çka u ba?
o një bareshë prej nesh u nda

Hej, po tingllojnë
shumë kumona
po gurgllon prroni malor
lartë në qiell bjeshka me borë
n’bjeshk’ dashnija vjen e madhe
sot nji fyell u kall…!

Baresha konsiderohet si kënga më identifikuese e bilbilit Nexhmije Pagarusha.

ObserverKult

Lexo edhe:

EDI SHUKRIU: BARESHA E THANËS (NEXHMIJE PAGARUSHËS)

1. (Erë e malit djepin përkundte)

Në mjegullinën e lartësive
kreshtat e Pagarushës ndjenin
se
në prehër një lindje mbanin

Erë e malit djepin përkundte
pranë vatrës foshnja
ninulla vetes i këndonte
e
në prag të njohjes
mësuesi me shkronja në zemër
e peshë mbi supe
ç’është dashuria mësonte

Historinë e Pagarushës
bilbilat e nisën,
këmbëzbathur shpatijeve

Me rritën e gërshetave
zambakët e Prizrenit u gërshetuan
e kalaja jehonën
e zuri në gji…

ObserverKult