![Mireta Pasha](https://observerkult.com/wp-content/uploads/2023/01/Mireta-Pasha.jpg)
Mirjeta Pasha ishte e ftuar së fundi në ”Abc-ja e mëngjesit”, ku rrëfeu peripecitë që ka kaluar për të realizuar ëndrrën e saj. Ajo sot është pedagoge matematike në SHBA.
Mirjeta ishte një studente e shkëlqyer në Tiranë dhe pavarësisht se kishte një punë të mirë, aplikoi për lotarinë amerikane.
Gjatë kohës që ishte në Shqipëri dhe sapo kishte përfunduar studimet e larta, Mirjeta ishte punësuar në Universitetin “Aleksandër Moisiu” si pedagoge e jashtme.
Pas përfundimit të masterit, pati mundësinë që të bëhej pedagoge matematike në Universitetin Politeknik të Tiranës.
Pasi fitoi lotarinë, Mirjeta bashkë me bashkëshortin e saj që punonte në Ministrinë e Bujqësisë në atë kohë, u nisën drejt SHBA-ve, dhe pse familjarët e saj donin t’i kishin afër. Gjatë bisedës me gazetarët në studio, Mirjeta tregoi se e kishte shumë të vështirë që të përshtatej.
“Kam mbaruar masterin shkencor te Shkencat e Natyrës në vitin 2014, dhe fillova të jepja mësim në Universitetin e Durrësit si pedagoge e jashtme. Pas diplomimit, në shtator hyra si pedagoge e brendshme në Universitetin Politeknik.”, theksoi mes të tjerash Mirjeta.
Gjatë kohës që qëndronte atje, ajo aplikoi për doktoraturë. U rikthyen pas dy muajsh në Shqipëri, për t’u larguar sërish më pas, ku dhe mori lajmin se ishte pranuar për doktoraturë për Matematikë të Aplikuar në “Kent State University”. Për më tepër, ajo kishte fituar bursë të plotë.
“Në Kent State University më dhanë bursë të plotë dhe një çmim të dekanit që nëse i mban rezultatet gjatë doktoraturës do të kalonte dy vite.
Kjo ishte arsyeja pse unë shkova sërish në Amerikë.”, shtoi më tej Mirjeta./Abcnews
ObserverKult
![Luarasi](https://observerkult.com/wp-content/uploads/2021/12/640-0-61aa5c1dabb9d.jpg)
Lexo edhe:
HISTORIA E TRISHTË E EDI LUARASIT: GJATË VITEVE TË DËNIMIT PUNOVA SI RROBAQEPËSE DHE NGRIJA ARKA
Një nga karakteret më të spikatura të skenës shqiptare, emblema e Festivalit XI në Radio Televizion Shqiptar, ndërroi jetë në ditën e tretë të dhjetorit të vitit të 2021, në moshën 81-vjeçare.
Tekstin e plotë mund ta lexoni KËTU:
ObserverKult