Premiera më e re e Teatrit Shëtitës të Kiço Londos titullohet “Hamami i grave” dhe ka në qendër qëndresën e disa grave kundër shembjes së hamamit. Londo shpjegon konceptin dhe tronditjen e shoqërisë.
Gjashtë gra të traumatizuara nga jeta e tyre e përditshme takohen në një hamam për t’u çliruar nga dhembjet fizike e shpirtërore, derisa “papritur vjen lajmi që ky vend relaksi, hamami ku gjejnë shpëtimin e shpirtit të tyre, duhet të prishet dhe të shndërrohet në një bibliotekë. Vepra merr përmasa interesante, gratë bëhen bashkë përballë vendimeve të pushtetit lokal”. Me regjinë e Kiço Londos, komedia “Hamami i grave” i Nel Dun mban premierën të premten në orën 18:00 në teatrin e Kamzës. Por çfarë ndodh kur shemben vende të shenjta?
“Reagimi është reagim anglez i grave që edhe pse në humbje shohin dritë në fund të tunelit. Dhe nisin të organizohen shpirtërisht që ti bëjnë ballë presionit sanduic. Ka shumë humor, të papritura e ka shumë dhimbje”.
Me kostumografi që i afrohen veshjeve të grave në hamame, regjisori premton se spektatori do të shohë një hamam të vërtetë dhe vërtetësinë e njeriut në hamam, i zhveshur nga bota, gjykimet, droja a frika. Ndaj shfaqja ka një qëllim:
“Në Shqipërinë tonë flitet për dhunë, krim dhe korrupsion. Në fakt ajo që mua më shqetëson më shumë është vrasja e shpresës…..Unë mendoj që vepra jonë do t’i flasë shpresës”.
Regjisori që ka qenë drejtor i tre teatrove, që prej shkarkimit ka themeluar Teatrin Shëtitës, ku premierat shfaqen në qytete të ndryshme teksa për “Hamamin e grave” ai ka 12 bashkëpunëtore gra, sa numri i apostujve.
(BalkanWeb)
——————————————————————
LEXO EDHE: KIÇO LONDO: ZVARRANIKËVE SHTETI U JEP POSTE
Kiço Londo, nga drejtor i Teatrit Kombëtar Eksperimental, në drejtues të Teatrit Shëtitës.
Ai vjen me një teatër shëtitës që e nis rrugëtimin e tij në Gjakovë, me shfaqjen “Boeing-Boeing”.
Në të parën intervistë pas shkarkimit, Kiço Londo rrëfen përjetimet në kohët e lirisë së madhe e vetmisë së Madhe.
Londo nuk ka lënë pa thumbuar edhe kolegët e tij, të cilët sipas tij kanë luajtur role të mëdha.
TEKSTIN E PLOTË MUND TA LEXONI KËTU
