Libri po përjeton një periudhë të vështirë për shkak të piraterisë, teksa me zhvillimin e teknologjisë po bëhet më i lehtë kopjimi i veprave letrave.
Shoqata e Botuesve Shqiptarë ngre shqetësimin për piraterinë e botimeve shqiptare në Shqipëri e sidomos ne trevat shqipfolëse.
“Janë disa Shtëpi Botuesve që shesin librat tanë të piratuar”, tha Petrit Ymeri.
“Po asfiksohet vepra jonë nga akte të tilla duke nisur nga Tirana, Prishtina e Tetova”, tha Bujar Hudhri.
Botuesi Bujar Hudhri denoncoi një rast flagrant nga Tetova, që tre vite më parë shpalli Ismail Kadarenë “Qytetar Nderi” e që sot veprat e tij i kopjon, në shkelje të plotë me të drejtat e autorit e të Shtëpive Botuese.
“Kanë bërë libra piratë në marrëveshje me komunat. Dhe i çojnë direkt në biblioteka. Tani kanë avancuar aq shumë sa vetë shteti, vetë kryetari i komunës blen një mall të vjedhur. Janë librat e të gjithë Botuesve Shqiptarë. Këto libra të shtypur në mënyrë skandaloze, madje të përgjysmuara, janë të destinuara për të gjithë brezat e nxënësve”, tha Bujar Hudhri.
Kryetari i botuesve shqiptarë kërkon ndërhyerjn e qeverisë, me qëllim garantimin e të drejtave të shkrimtarëve, përkthyesve e botuesve.
“Në Shqipëri është shumë e dëmshme pirateria që bëhet nëpërmjet librit digjital. Libra që skanohen, futen në portale dhe shiten. Skadojnë librat tanë pa të drejta dhe i shesin”, tha Petrit Ymeri.
Kur libri përdoret për biznes me qëllime përfitimi përmes manipulimit, dëmtohet mbi të gjitha lexuesi, kur në dorën e tij arrijnë vepra të falsifikuara e të dëmtuara, theksojnë botuesit.
ObserverKult
Lexo edhe:
