Shkencëtarja shqiptare, prof.dr.ing Mira Mezini ka fituar çmimin LOEWE Top Profesorship.
Ky çmim i siguron prof. Mezinit rreth 1.9 milionë euro për një periudhë prej pesë vjetësh për kërkimin shkencor mbi bazat e programimit për zhvillimin e sistemeve të softwear-it të të mësuarit interaktiv të decentralizuar, të sigurt dhe të besueshëm.
Mira Mezini është profesore e shkencave kompjuterike në Universitetin Teknik të Darmstadt-it në Gjermani dhe anëtare e jashtme e Akademisë së Shkencave të Shqipërisë. Çmimin që ajo ka marrë e ka përshëndetur dhe ASH.
LOEWE është programi i promovimit të kërkimit shkencor që përdor shteti federal i Hessen-it që nga viti 2008, për të përcaktuar tendencat e politikave kërkimore, me objektivin që t’i japë një shtysë të qëndrueshme peizazhit kërkimor të Hessen-it.
LOEWE do të thotë “Landes-Offensive zur Entwicklung wissenschaftlich-ökonomischer Exzellenz” (Ofensivë shtetërore për zhvillimin e përsosmërisë/ekselencës shkencore dhe ekonomike).
Mira Mezini, profesore e shkencave kompjuterike në Universitetin Teknik të Darmstadt-it (Gjermani); profesore e ftuar në disa vende të Botës, duke përfshirë Britaninë e Madhe; zëvendëspresidente e Universitetit të Darmstadt-it për transferimin teknologjik . Dhe më pas edhe për kërkimin dhe inovacionin ka shprehur në mbledhjen solmne të Asamblesë një mesazh falënderimi për Akademinë e Shkencave të Shqipërisë që e zgjodhi anëtare të jashtme.
Mira Mezini është autore e 233 artikujve shkencorë të indeksuar në Scopus List dhe i 293 artikujve të kuotuar në Research Gate, me rreth 7000 citime.
E cilësuar kërkuese shkencore ekselente me njohje dhe vlerësim ndërkombëtar në fusha shumë të rëndësishme të shkencave kompjuterike si gjuhët e programimit dhe paradigmat, zhvillimi i softuerëve të automatizuar, analiza e programeve dhe siguria e softuerëve; bashkëthemeluese e nëndisiplinës mbi paradigmën e zhvillimit të softuerëve të orientuar duke vendosur parime të reja shkencore.
ObserverKult
Lexo edhe:
IRMA KURTI FITON ÇMIMIN E PARË NË KONKURSIN LETRAR NDËRKOMBËTAR “PICÀTURI DE SUFLET”
Poetja shqiptare, Irma Kurti, nderohet me çmimin e parë në Konkursin Letrar Ndërkombëtar “Picàturi de suflet”.
Kjo në seksionin e poezisë në gjuhë të huaj. Poezia fituese titullohet “I dashur, ti s’mund ta dish”.
Ky konkurs ka lindur nga një ide e shkrimtares rumune Liliana Liciu.
Po ashtu shkrimtarit italian Francesco Gemito. Këta janë edhe presidentët e Konkursit.
Kjo për të krijuar një binjakëzim letrar midis Rumanisë dhe Italisë.
Tekstin e plotë mund ta lexoni KËTU:
ObserverKult
