Nga Bislim Ahmetaj
E kam një mesazh të rëndësishëm, për ju miqtë e mi, për të gjithë njerëzit e mirë.
Është i thjeshtë, i mundshëm dhe shumë efikas:
Qeshni, qeshni me za të lartë, qeshni me shpirt, qeshni deri sa t’ju dhëmbin brinjët.
Ani pse mund t’i dukeni dikujt si budallenjë, s’ka gja, mund t’i bani edhe ata me qeshë dhe i çlironi sadopak prej prangave të injorancës dhe vetmisë.
E qeshura me shpirt është ilaç fantastik. Shëron ankthin, makthin, frikën, çliron shpirtin prej prangave të inferioritetit.
Besomëni e kam nga përvoja ime, por edhe nga eksperienca e njerëzve të shquar të botës së humorit.
E qeshura është jetike për një shëndet të mirë e të qëndrueshëm. Njeriu që nuk qesh i ngjan një makine që harxhon vaj dhe papritur djeg motorrin.
Zemra që nuk qesh pushon së rrahuri…
Ndaj qeshni o njerëz të mirë, o njerëz të lirë…/ ObserverKult
ObserverKult
Lexo edhe:
BISLIM AHMETAJ: S’MUJ ME T’DASHTË MA
Poezi nga Bislim Ahmetaj
Një mëngjes
Gushti
E mora në telefon
Të dashurën time
Dhe pa i thanë hala “Mgjes”
Ju luta me përgjërim
Ik shpejt te pema ky u pamë për herë të parë.
Aty do t’i gjesh
Të varura të gjitha puthjet tona
Ato në buzë,
Në sy, në rranza të veshëve,
Në qafë,
E deri te majat e thojve të kamës.
Po t’lutem
çou shpejt
Pa ra dielli hala
Se puthjet kan me na u tha
Tekstin e plotë mund ta lexoni KËTU:
ANDËRR E PAME ME SY ÇEL… POEZI NGA BISLIM AHMETAJ
Kam dalë me mbledhë yje
po na zë frymën terri në tokë
njerëzia kanë nevojë për pak ma shumë dritë.
Hëna ma ndritë udhën
që të mos shkel mbi folë rrufesh
kur eci mbi kreshta malesh që zbardhojnë.
Yjet që mbledh i vë
lehtshëm n’nji krozhën
Si të ishin vezë shqiponjash.
Për veç hënës
dhe ndonjë zane të vetmuar
askush s’e ndjek ritin tim të vjeljes së yjeve.
Ata, pronarët e errësirës
jetojnë në qytete të ndotura
dhe nuk shohin aq larg, aq më pak, aq qartë.
Poezinë e plotë mund ta lexoni KËTU:
ObserverKult
