Regjisori i njohur, Said Rustagi, është dënuar nga një gjykatë në Teheran me 6 muaj burg për shfaqjen e filmit të tij “Leila’s Brothers” në Festivalin e Filmit në Kanë 2022, raportojnë mediat lokale.
Filmi përshkruan historinë e një familjeje të varfër në një Iran të zhytur në krizë ekonomike. Pas publikimit të filmit vitin e kaluar ai u ndalua në Iran për shkak të shkeljes së rregullave nga pjesëmarrja e paautorizuar në festivalet e Kanës dhe Mynihut.
“Gjykata revolucionare e Teheranit dënoi Said Rustagi dhe Javad Norouzbegi, regjisorin dhe producentin e filmit ‘Leila and her brothers’ me gjashtë muaj burg”, shkruante gazeta reformiste Etemad.
Ata u shpallën fajtorë për kontribut në propagandën e opozitës kundër sistemit islamik në Iran. Megjithatë, gjykata vendosi që dy të dënuarit të vuajnë një të njëzetën e dënimit, pra 9 ditë. Ndërsa pjesa tjetër e dënimit do të pezullohet për pesë vjet.
Filmi ishte në garë për “Palme d’Or” në festivalin e Kanës vitin e kaluar, duke fituar çmimin e Federatës Ndërkombëtare të Kritikëve të Filmit.
Roustayi, 34 vjeç, ka fituar famë ndërkombëtare që nga filmi i tij 2019 “Law of Tehran”. Ky film ka folur mbi problemet e drogës në Iran dhe reagimin brutal të shtetit./bordo.al
ObserverKult
Lexo edhe:
REGJISORI I TITANIKUT: NËNDETËSJA, ISHIN PARALAJMËRUAR PËR RREZIKUN
Regjisori hollivudian, James Cameron – i cili drejtoi filmin e vitit 1997, Titanik – ka thënë se e ka përjetuar shumë keq humbjen e nëndetëses Titan. Ai vetë është zhytur 33 herë. Madje deri në rrënojat e Titanikut.
Nëndetësja Titan, e cila u zhduk më 18 qershor. Besohet të ketë shpërthyer dhe si pasojë e kësaj operatori i anijes, OceanGate.
Tekstin e plotë mund ta lexoni KËTU:
ObserverKult
