“Basic Instinct” kthehet në kinema me një version të ndryshuar.
Në kuadër të 30-vjetorit të premierës, filmi kult i vitit 1992 realizuar nga Paul Verhoeven dhe me protagonistë Michael Douglas dhe Sharon Stone, është digjitalizuar plotësisht nga firma franceze Studiocanal.
Versioni i ri do të jetë së shpejti në sallat e kinemave në Francë pasuar nga Australia, Zelanda e Re dhe SHBA-ja.
Gjatë kësaj kohe, shfaqet edhe dokumentari “Basic Instinct, Sex, Death & Stone” me intervista ekskluzive dhe anekdota me Verhoeven, Stone, Douglas.
Filmi do të jepet premierë në Ultra HD, Blu-Ray, DVD në vende të ndryshme europiane dhe në botë./atsh
