Nata e tretë e Festivalit të Këngës në RTSH iu kushtua rikthimit të hiteve të këtij Festivali në 61 vite, këngë që kanë mbetur në memorien e publikut dhe këndohen edhe sot me plot pasion dhe emocion si në momentin që u shfaqën për herë të parë.
Një nga momentet më të veçanta ishte rikthimi i këngës hit të viti të mbrapshtë 1997, “Mos qaj” e Djemve të Detit.
Drejtuesi i grupit të “Djemtë e Detit”, Gent Demaliaj është ndarë nga jeta pak vite më parë, por emocionin, zërin dhe interpretimin e tij fantastik të dikurshëm e solli në skenë e bija Edea Demaliaj, e cila ngriti publikun peshë me vokalin dhe vargjet e tekstit që dikur këndoheshin nga i ati.
Një preferencë e jashtëzakonshme që u shoqërua edhe me interpretimin e Valentin Markvukaj e “Djemve të Detit”, i cili rikthehet pas 15 vitesh në skenën e RTSH dhe këngëtares Enxhi Nasufit, e cila u përlot në fund të performancës.
“Është përgjegjësi shumë herë më e madhe se kur performoj diçka timen. Këngët e babait janë një thesar dhe jam shumë e lumtur që i kam dhe do i këndoj gjithmonë”, tha Edea./BW
Lexo edhe:
FESTIVALI I KËNGËS NË RTSH, JURIA ZGJEDH TË RINJTË FINALISTË
ObserverKult
