Për dashurinë
Që janë shkruar libra
Për dashurinë
Që janë bërë luftëra
Për dashurinë
Që engjëllin e bën djall
Për dashurinë
Që djallin e bën engjëll
Për dashurinë
Që djalin e bën burrë
Për dashurinë
Që burrin e bën fëmijë
Për dashurinë
Që vajzën e zhvirgjëron
Për dashurinë
Që gruan e shenjtëron
Për dashurinë
Që na prangos
Për dashurinë
Që na çliron
Për dashurinë
Që na çon në joshje
Për dashurinë
Që nga joshja na mbron.
Për dashurinë
Që na fut nën dhé
Për dashurinë
Që na ngre mbi re
Për dashurinë
Që na çarmatos
Për dashurinë
Që na armatos
Për dashurinë
Që na bën tradhtarë
Për dashurinë
Që na bën heronj
Për dashurinë
Le të vdesim sot
Që të dashuruar
Të rilindim nesër.
ObserverKult
Lexo edhe:
