Ritfolk: Në krahë kam netët që ëmbël më vajtojnë (teksti dhe kënga)

Ka një park ku vetëm rri shikon
Edhe në darkë dhimbje dha të shtogve
dridhje shpirti parkun e kënaq
Trotuaret, tingujt, vuajtjet vallëzojnë mbi park
E më pas me hap një tren harresash
mundohet të më kapë.

E në krahë kam netët
Që ëmbël më vajtojnë
Hej park kthema vajzën
Që lehtë ti këndoj.

Më kanë thënë se e kanë parë
Mbi një lot duke qarë
Dua sytë ti shoh prapë
Ti flas fjalë si i marrë.
Në errësirë flokët mi prek
Gotën time kanë lënduar
Aromë e vajzës po më pret
Nuk më lë as për t’u larguar.

Para meje buzëqesh nga pas liqenit gri
Unë lundroj mbi valët e ndjenjës time
që nesër do të më ikë
Mërmëritjet që vrapojnë pa mua nëpër shi
Ndezin vonë në park një dritë kujtimesh
dhe i shuajnë përsëri.

E në krahë kam netët
Që ëmbël më vajtojnë
Hej park kthema vajzën
Që lehtë ti këndoj.

LEXO EDHE: Ritfolk: Dua t’i harroj sot fjalët…(teksti dhe kënga)