Gazetari dhe shkrimtari Enkel Demi, i njohur me emrin e artit si Tom Kuka, ka ‘rrëmbyer’ Çmimin Evropian të Letërsisë për vitin 2021, transmeton ‘dosja.al’.
Juria shqiptare ka përzgjedhur Demin që romani i tij “Flama” të përkthehet në disa gjuhë evropiane, si dhe do të ketë mundësi të përfitojë nga mbështetja e institucioneve të kulturës në Evropë për t’iu prezantuar lexuesve të huaj. Në listë, Demi renditet mes emrave të njohur, që po ashtu janë zgjedhur fitues në vendin e tyre si në Portugali Frederico Prederira apo Suedi Maxim Grigoriev.
Romani “Flama” iu prezantua lexuesit shqiptar në mars, ku autori zbuloi se e shkroi gjatë periudhës së izolimit për shkak të pandemisë, e brenda një viti arriti të botonte romanin.
Në këtë libër vihet re një Shqipëri e ngjashme me atë të “Hide në kalldrëm”, romani i parë i botuar prej tij. Disa personazhe sërish sillen rreth një krimi të pazbuluar, në një botë ku magjikja dhe realja shkrijnë kufijtë me njëra-tjetrën.
LEXO EDHE: Enkel Demi, fitues i Çmimit Evropian të Letërsisë për Shqipërinë
