Si rrallëherë, kompozitori Robert Radoja ka folur për jetën e tij private. Ai ka treguar se bashkëshortja i ka vdekur herët dhe i ka rritur djemtë vetë.
Gjatë rrëfimit, së fundi, në “Pas Mesnate” në ABC ai tregoi se si është njohur me gjysmën e jetës së tij.
“Unë kam dy djem të cilët janë marrë me muzikë. Bashkëshortja më ka lënë herët dhe i kam rritur vetë. Edhe ajo ka qenë këngëtare shumë e mirë dhe ka luajtur në filma si amatore se nuk ka bërë shkollë. Ka luajtur tre filma, kryesisht ka kënduar shumë bukur. Në festivalin e 9, 10 dhe 11, ishte në atë grupin që shoqëronte këngët. Nuk e kam zbuluar unë si talent, e kam gjetur atje. Kanë qenë dhe të tjerë para meje, si Tonin Harapi, i cili ndenji për pak kohë se shkoi si pedagog në Akademinë e Arteve. Pata fat që e gjeta në atë mënyrë, se munda të vazhdoja me dhënë një kontributë”.
Më tej, Radoja tha se vazhdon të shkruajë ende muzikë, por jo me kompjuter dhe kjo ia bënë më të vështirë.
“Unë vazhdoj të shkruaj muzikë me dorë se kompjuterin nuk e mësova dot kurrë. Do të ishte një lehtësi shumë e madhe sepse ke mundësi që ta dëgjosh atë që bën në kompjuter, kurse kështu duhet ta përfytyrosh tingëllimin. Nuk është pa dobi asnjëra, as tjetra. Mundohem”./abcnews.al
ObserverKult
Lexo edhe:
ROBERT RADOJA RRËFEN JETËN MES DY SISTEMESH: ME BUKË ME TRISKË, POR KISHTE TEATRO, FRIKË E XHELOZI
Kompozitori i njohur, Robert Radoja, vjen në një intervistë në ‘News 24’, ku rrëfen jetën mes dy sistemesh. Ai kujton fëmijërinë e hershme dhe emrat që e shënjuan karrierën e tij, deri edhe te talentet që zbuloi. “Kur mbarova shkollën, s’doja të ikja nga Tirana dhe qëndrova te Pallati i Kulturës”, thotë ai, ndërsa tregon si zbuloi talente si Irma Libohova, Suzana Frashëri, Elsa Lila, Inva Mula a Ermonela Jahon.
“Ermonela Jaho veçohet për interpretimin, i jep shpirtin skenës. Ajo është e natyrshme dhe vë veten në role”, vëren Radoja.
Tekstin e plotë mund ta lexoni KËTU:
ObserverKult
