Nga Julia de Burgos
Nuk më kujtohesh! Më ndje!
Midis dashurisë tënde dhe shpirtit tim ka vetëm një cicërimë.
Lundrojnë të dy sytë e mi
në të njëjtën kaltërsi pa fund ku ti vallëzon.
Ylberi yt i ëndrrave tek unë është
përherë livadh i hapur midis maleve.
Një herë humbën ngashërimet e mia
dhe i gjeta të mbytura në lotët e tu.
Nuk më kujtohesh! Më ndje!
Një bilbil në grykën e tij na ka.
Lumenjtë që solla me vete shkrepave të mi,
derdhen vetëm nëpër plazhet e tua.
A ka një pështjellim fluturimesh në ajër?
Është era që na shpie te sandalet e tua!
Nuk më kujtohesh! Më ndje!
Sa më pak të mendosh për mua, aq më shumë më do.
*Titulli i origjinalit: “Këngë nga brenda”
Përktheu: Bajram Karabolli
Lexo edhe:
BAJRAM KARABOLLI: KAM JETUAR ME HERONJTË E LIBRAVE, JO TË PUNËS SOCIALISTE
