Sa pak vlerësohet arti në Shqipëri… pensioni qesharak i Tirkës

Aktori i madh, i njohur shpesh edhe si “Tirka”, roli që ka luajtur në filmin shqiptar “Shoqja nga fshati”, tashmë ka disa muaj që ka dalë në pension dhe jeton me ato pak mundësi që ka dhe pensionin qesharak.

Korçari, Sotiraq Bratko, është një ndër aktorët e shquar shqiptarë, i cili ka luajtur me qindra role nëpër filmat shqiptarë që të gjithë i kemi parë dhe na kanë pëlqyer pafund.

Aktori i madh, i njohur shpesh edhe si “Tirka”, roli që ka luajtur në filmin shqiptar “Shoqja nga fshati”, pra tashmë ka dalë në pension dhe jeton me ato pak mundësi që ka dhe pensionin qesharak. Por, skandali qëndron tek shuma qesharake që i është caktuar aktorit për të marrë në fund të muajit. 131 mijë lekë të vjetra është pensioni i ofruar nga qeveria për aktorin, edhe pse ka dhënë shpirtin e tij në skenë dhe është një ndër ikonat e kinematografisë shqiptare.

“Ta gëzosh pensionin 13.100 lek Sotiraq Bratko! Na mbive” në sy o Tirke… Na mbive në sy Sotiraq Bratko… hapim televizorin, në filmat shqiptarë pothuajse çdo ditë Ti; në shfaqjet më të suksesshme të skenës, pothuajse gjithmonë Ti; mes miqsh e shokësh, pothuajse gjithmonë Ti…; i nderuar dhe respektuar, gjithmonë Ti…; i vlerësuar nga publiku shqiptar, po e po Ti…; dhe sot që ke marrë statusin e “pensionistit” përsëri mbetesh Ti. Me sytë e qeshur dhe buzën në gaz…;

I buzëqeshur, ndonëse pensioni yt është 13.100 lek; i buzëqeshur; ndonëse “të mëdhenjtë” lart i kanë kursyer titujt për ty…; i buzëqeshur, ndonëse “i braktisur” nga ata që aq shumë të afrojnë kur ju duhesh…; I buzëqeshur miku im, sepse Ti je ai që rrallë kush bëhet. Je Ai që të gjithë të vlerësojnë, je Sotiraq Bratko i madh i skenës dhe ekranit. Mos u mërzit artist i madh! Ti ke respektin e mirënjohjen e të gjithëve!”, shkroi kohë më parë Ilir Jano në një postim në rrjete sociale./revista-ai.com

ObserverKult

———————

Lexo edhe:

OMER KALESHI, MJESHTRI I VETMISË