Shfaqja për të pagjeturit “Babai dhe Babai” është rikthyer sërish. “Babai dhe Babai” do të shfaqet me datë 17 dhe 18 tetor duke filluar nga ora 20:00 në Muzeun Etnologjik “Emin Gjiku” në Prishtinë.
Ata që dëshirojnë ta shikojnë këtë shfaqje do të mund ta shikojnë falas, derisa bëhet me dije se numri i ulëseve është i limituar, gjegjësisht vetëm 35 ulëse dhe se rezervimi paraprakisht është i nevojshëm.
Kështu ka bërë me dije Organizata Integra përmes një postimi në Facebook.
“‘Babai dhe Babai’, në dukje një dramë për sfidat e zakonshme të jetës së një familjeje, zbulon një histori tronditëse dhe një traumë të thellë shoqërore, një plagë që ka ngelur e pashëruar dhe e cila personazhet i mban peng, përgjithmonë…
Kjo është një dramë për ata që duam t’i mbajmë afër… dhe i mbajmë! Pavarësisht palumturisë që na përplaset në fytyrë si ujë i ftoftë, pavarësisht ëndërrave që na e kujtojnë realitetin e vetmisë. Është një dramë për vetminë e thellë e për mërzinë që kullon dhimbje”, thuhet në njoftim.
ObserverKult
Lexo edhe:
NË FUND TË VITIT NË PRISHTINË VJEN SHFAQJA E NJOHUR BOTËRISHT “ARRTHYESI”
Baleti Kombëtar i Kosovës do të sjellë për herë të parë për publikun kosovarë shfaqjen “Arrthyesi”.
Kështu ka njoftuar Ministria e Kulturës, Rinisë dhe Sportit nëpërmjet një postimi në Facebook, derisa ndër të tjera tha se në Prishtinë. Për herë të parë, do të vihet në skenë shfaqja e njohur botërisht “Arrthyesi”. Një perlë kjo e baletit klasik.
Tekstin e plotë mund ta lexoni KËTU:
ObserverKult
