Këngëtari dhe artisti i njohur, tenori Shkodran Tolaj është zgjedhur drejtor i Ansamblit Shtetëror të Këngëve dhe Valleve shqipe në Republikën e Maqedonisë së Veriut. Tolaj në këtë detyrë është emëruar nga Ministria e Kulturës e Republikës së Maqedonisë së Veriut.
Ansambli tashmë ka mbajtur shfaqjen e parë në Tetovë nën drejtimin e Shkodran Tolajt, ku është mirëpritur me duartrokitje frenetike nga publiku.
Vetë tenori Tolaj ka falënderuar institucionet që e emëruan në këtë detyrë, ndërsa ka theksuar se “Ansambli do të jetë vatër e shqiptarëve të bashkuar”.
