Specialistë të drejtorisë rajonale të trashëgimisë kulturore në Vlorë kanë përfunduar gërmimet shpëtuese të një varri antik në zonën arkeologjike të Amantias. Nga gërmimi i tij u zbulua dhe u dokumentua një inventar i pasur objektesh arkeologjike, kryesisht enë qeramike.
Nga një vlerësim paraprak, varri duhet ti përkase shek III-II para Krishtit.
Krahas pasurimit të parkut arkeologjik me monumente të reja, nga gërmimet e këtij viti u rikuperuan objekte të një rëndësie të veçantë që do të pasurojnë stendat e muzeve lokale dhe atyre kombëtare.
