Në Festivalin e Venecias në këtë edicion të 80-të, u fol për Shqipërinë. Padyshim, që lajmi më i bujshëm ishte “Luani i artë” për Erenik Beqirin, për filmin me metrazh të shkurtër “Një udhëtim i shkurtër” në kategorinë ‘Orizzonti’.
Shqipëria u bë pjesë e këtij spektakli gjigand në Lido, edhe përmes elementëve etnografikë. Aktori shqiptar Antonjo Gjonaj, pjesë e një sërë produksionesh në zë të huaja, zgjodhi që të pozonte në tapetin e kuq, me plisin tradicional vendas, ku nuk mungoi as simbolika e shqiponjës me duar. Gjestin atdhedashës, artisti e shoqëron edhe me një koment ‘pikant’:
“U deshën 80-vjet për të parë një plis në tapetin e kuq, por ja dolëm!”, shkruan ai në mediet sociale.
Tërhoqi vëmendje edhe përfshirja e kryeministrit Edi Rama në filmin dokumentar ‘Stati di grazia’ (por edhe pjesëmarrja në debatin që shoqëroi filmin pas shfaqjes) dedikuar Ambrogio Crespit, regjisorit ‘antimafie’ që u dënua padrejtësisht për bashkëpunim me mafien e shkëmbim votash, transmeton ‘shqiptarja’.
Po ashtu, në Festival të Venecias, ku ishte i pranishëm dhe kryeministri i Kosovës, Albin Kurti, u shfaq edhe produksioni “Bota jonë” me regjisore Luana Bajramin, si pjesë e seksionit ‘Orizzonti Extra’.
ObserverKult
Lexo edhe:
PAUL ELUARD: AJO MBI QEPALLA MË RRI…
Ajo mbi qepalla më rri,
Me flokët në flokët e mi,
Ka formën e duarve të mia,
Dhe ngjyrën e syve të mi,
Kridhet hijes sime thellë
Porsi ndonjë gur në qiell.
Përherë hapur i mban sytë
Dhe mua s’më le të fle.
Ëndrrat e saj në mes të ditës
Diellin në avull e kthejnë,
Më bëjnë të qesh, të qaj, të qesh,
Të flas pa patur se ç’të them.
Përktheu nga frëngjishtja Alket Çani
ObserverKult
