Duket banale, por shumica gabojnë! Ja si duhet të shkruhen ditët e javës?

Institucione të shumta, disa medie por ka edhe profesorë të cilët i shkruajnë shpesh gabimisht ditët e javës.

Por si duhet të shkruhen ditët e javës na tregon profesori Ilmi Rexhepi:

Emrat e ditëve të javës në trajtën e pashquar dhe në trajtën e shquar:

E hënë – e hëna
E martë – e marta
E mërkurë – e mërkura
E enjte – e enjtja
E premte – e premtja
E shtunë – e shtuna
E diel – e diela


Emrat e ditëve të javës në gjuhën shqipe shkruhen me shkronjën e parë të vogël:

Erdha të hënën dhe do të kthehem të premten.

Sot është e diel.

ObsereverKult

————————

DIGJITAL APO DIXHITAL? AXHENDË APO AGJENDË? SI DUHET TË SHKRUHEN…

Ky shkrim vjen si reagim ndaj ironisë së një personazhi VIP, i cili duke mos pasur një kulturë gjuhësore të duhur ose, të paktën, durimin për të hapur një fjalor apo për t’u konsultuar me një specialist gjuhe, tallej me fjalën “I DIGJITALIZUAR” në tekstin e fëmijës së tij, fatmirësisht fjalë e shkruar saktë në këtë tekst.

Duke qenë se “VIP”-at kanë vëmendjen maksimale nga ndjekësit e tyre, në këtë mënyrë ata ndikojnë keq kur “japin mend” në disa çështje, që nuk janë të fushës së tyre!
Kujdes, besojuni specialistëve të fushave përkatëse, jo “mjekëve popullorë Adhamudhë”!
Ndaj, në bashkëpunim me prof. Emil Lafen, në këtë shkrim ju sjellim përgjigjen e saktë për këtë çështje…

TEKSTIN E PLOTË E GJENI KËTU